Luxembörgs
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Luxembörgs (eige naom Lëtzebuergesch) is 'n Middelfrankische (Middelduitse) taol die veural in 't land Luxembörg gesproke weurt. Daoneve weurt de taol nog gesproke in Aarle, in zuidelek Neubelgien (Sankt-Vith) en in Duitsland, boe ze lankzaam in 't Duits euvergeit. In 't noorde geit de taol euver in 't Limbörgs en 't Ripuarisch, boemèt 't daan ouch ing verwant is, in 't bezonder mèt de dialekte vaan Kèrkraoj en umgeving. 't Luxembörgs heet evels gein twietunigheid. Boete Luxembörg is de taol dudelek in verval, meh in 't land zelf weurt ze nog door alle autochtone gesproke (evels kump e daarde vaan de bevolking neet oet 't land zelf). Luxembörgs weurd door 300.000 lui gemojld.