From Wikipedia, the free encyclopedia
Dit artikel is gesjreve (of begós) in 't Heëlesj. Laes hie wie v'r mit de versjillende saorte Limburgs ómgaon.
Lutseroa (Duutsj: Lützerath) woar e dörpke i g'n Duutsje gemingde Erkelens i g'ne deelsjtaat Noordrien-Wesfale]. 't Loog tusje Holzweiler, Berveroa, Keyeberg, Borschemich, Otseroa, Sjpenroa en Immeroa. Lutseroa loog in 't gebeed van de koel Garzweiler II en woar óngerdeel van e groeëter gebeed wat weëd aafgegrave vuur de winning van broenkoale. In 2007 houw 't óngevier 60 iwuuenesj.
't Is internationaal bekind gewoeëde durch fel proteste en is ooch bezat geweë durch aktiviste.
De plaatsj woeëd in 1168 vuur 't ieësj in 'n oerkonde geneumd. Zie heesjde Lutzelenrode. 't Suffix rode (rath in 't Duutsj en roa/rao(j) in 't Limburgs) betekent óntgonne plek. Uuever 't ieësjte deel van d'r naam besjteet nog ginne consensus. Meugelig betekent 't zoeëget wie kling en is 't truuk te veure óp 'n gefossiliseerde Aodhoeëgduutsje datiefvörm (bi demo luzzilen rode) of óp 'ne persoeën deë zich Lutzelin sjreef.
Lutseroa woar ieëwelank e agrarisj dörpke. Beeldbepalend woare de versjeie höaf. Dees woare in bezit van kloeësterordes, woeë-ónger de cisterciënzerinne en de benedictinesse. D'r Junkershof woar bis 1797 i bezit van adlige families.
In 't kader van Operation Grenade woeëd Lutseroa óp d'r 27e fibberwaar 1945 veroverd durch de Amerikane.
In 1970 houw 't pleëtsjke 105 iwuuenesj. In 2006 begós de óntruming en kóste de ieësjte bewuuenesj verhoeze noa anger dörpkes i g'n umgeëving. De letste bewuuenesj vertrokke in 2022 en in 2023 woeëde ooch alle aktiviste oet 't dörp verwiederd. Ónger de aktiviste die zich bis 't letst in 't dörp óphele woar ooch de Zjweëdse klimaatactiviste Greta Thunberg.
.jpg)
.jpg)
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
