Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
![Thumb](http://upload.wikimedia.org/wikipedia/commons/thumb/5/52/LinuxCon_Europe_Linus_Torvalds_03.jpg/640px-LinuxCon_Europe_Linus_Torvalds_03.jpg)
Linus Benedict Torvalds (28 december 1969) ies 'ne Finse informaticus. Hae ies veural bekènd es de oetvinger van de Linux-kernel.
Linus Torvalds woort gebore in Helsinki. Hae sjtamp oet de Zjweedssjprekende minderheid van Finland, meh woont in de Vereinigde Sjtaote.
Torvalds ies verantwoordelik veur de Linux-kernel en brach daomèt de vriej-softwarebewaeging veur 't ièrsj ónder de aandach van e groater publiek. In 1991 kondigde hae zien Free minix-like kernel aan. Die kernel waor 'n aanvulling op 't GNU-projek, dat nog gein kernel houw - daoveur waor indertied, en ies nog ummer de Hurd kernel geplend.
Minder es 5 procent van de tegewoordige code van de Linux-kernel ies van Torvalds, meh hae weurt nog ummer gezeen es degene dae 't bèste kèn besjliesse welke code waal of neet in Linux terechkump. Op dees meneer kènt me veurkómme dat d'r 'ne nuje tak van de Linux-kernel weurt versjpreid; juridisch gezeen zou dit waal meugelik zin, want Linux vèlt ónder de GPL.
De Linux-kernel ies mer e klein deil van 'n GNU/Linux-distributie, meh 't ies e hièl belangriek deil. GNU/Linux waor 't ièrsjte vriej besjturingssysteem veur de PC.
Linus zuut Linux es 'n hobby; tot juni 2003 houw hae 'n full-time baan bie Transmeta en vanaaf daen datum bie OSDL. Waarsjienlik wèrkde hae bij Transmeta aan 'ne compiler veur 'ne nuje processor, meh hae moch ouch ónder wèrktied aan Linux wèrke.
In 2005 brach Torvalds Git oet, e systeem woamit me bie projekte (in de praktijk veural informaticaprojekte) die door mièr luuj waere bewirk de veranderinge kènt biehouwte. Dit kump good van pas bie online samewirkingsprojekte wie die in eus ièw ummer miè de norm zint gewore. De software weurt ónger miè toegepas in GitHub en GitLab.
Linus vong 't neet erg um gesjlote software te sjrieve bie Transmeta. De rae dat Linux ónder de GPL vèlt ies umdat dees licentie en de ope óntwiekkelmethode 't bèste resultaat geve veur de software. Veur Linus geit 't in de ièrsjte plaats um de techniek en vriej besjiekbaarheid ies veur häöm allein 'n methode um de software te verbetere. Hae behuèrt hiemèt tot de pragmatische open source-bewaeging en neet tot de vriej software-bewaeging (mèt name ónder leijing van Richard Stallman en 't GNU-projek), woa 't veural um de vriejheid geit.
Linus ies verhuus van zie geboorteland Finland nao Silicon Valley, um bie Transmeta te kènne wèrke. Same mèt zien vrouw Tove Monni haet 'r drie kinger. Tegewoordig wèrk Linus bie ODSL (Open Source Development Lab). Dat ies 'n waereldwiej organisatie die es doel haet um de greuj van Linux, veural in 't bedriefsleve, te bevordere. Hie kènt Linus officieel hónderd procent van ziene tied bezig zin mèt de ontwikkeling van de Linux-kernel.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.