Limburgs-Nederlands
From Wikipedia, the free encyclopedia
Limbörgs-Nederlands is Nederlands mèt interferentie oet 't Limbörgs. 't Weurt gesproke in 't Limbörgs taolgebeed (oongeveer de provincies Belsj en Nederlands Limburg), soms es ierste taol, soms door lui die 't Limbörgs es moojertaol höbbe.
- Dit artikel is in mierder Limburgse dialekte gesjreve. Perbeer estebleef waal mer ei dialek per alinea aan te hauwe.
Wie 't Limbörgs-Nederlands perceis klink, versjèlt per plaots: umtot 't versjèlle gief tösse de Limbörgse dialekte oonderein, zal 'ne Nederlands sprekende Vinloneer aanders praote es 'ne Nederlands sprekende Heerleneer of Mestreechteneer. Specifieke vörm, geboonde aon ein stad, zien beveurbeeld de Citétaol, 't Nedertreechs en 't Heerles Nederlands. Ouch de maot vaan de Limbörgsen invlood versjèlt vaan spreker tot spreker. Me kin bekaans ummer wel aon 'ne Limbörger zie Nederlands hure tot 'r oet Limbörg kump, meh d'n eine pas ziech väöl mie aon de taolnorm aon es d'n aandere (verticaol continuüm).
't Limbörgs-Nederlands is, es vörm vaan regionaol gekleurd Nederlands, verwant aon variëteite wie 't Poldernederlands, Fries-Nederlands, Saksisch-Nederlands en Verkavelingsvlaoms. Mèt dat lèste besteit in Belsj Limbörg flinken euverlap.