From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
Liane zeen huitige klumplantje, die inne netuur normaal buim es óngerstieping broeke. De term is morfologisch, neet taxonomisch, waat inhèltj det liane neet specefiek verwantj aanein zeen.
Döks höbbe liane wreut pf reng womit die zich vashajen ane substraat (de buim of struuk).
Liane die toete zeipboumfemielje (Sapindaceae) behuueren höbbe döks horloozjevaeren ineingeroldje reng. Ouch haet 't liane die lóchwreut make.
Liane kómme meis veur inne troeapische lieëglandjbós, mer ouch in gemäötigdje klimate, wie bitterzeut (Solanum dulcamara), bósrank (Clematis vitalba), de droef (Vitis vinifera), hop (Humulus lupulus), wilj kamperfoelje (Lonicera periclymenum) enne facultatief klumplantj wintjergreun (Hedera helix).
Sómmige liane zeen parasitair of verwurge mitten tied de gasplantj.
Väöl bieëster broeke liane veur vannen eine boum nao d'n angere te kómme sónger euvere gróndj te gaon. Inne fictie truf me Tarzan aan dae det ouch dieëj innen oerbós, al is dit gein aafspegeling vanne wirkelikheid.
Versjillige saorte waere gebroek es klumplantj inne sierteelt veur moere, latwerk en huitige gewasse te begruie. Anger saorte waere geteeltj veure vröchte, wie droeven en olieve. De saepetige liane neump me waterliane.
De liaan Chondondendron tomentosum wuuert door sómmige Zuud-Amerikaanse indianestamme gebroek veur 't vergif curare te make waat zie oppe pik van häör blaospiepkes doon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
