![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a6/Laacher_See_vom_Lydiaturm_in_Daemmerung.jpg/640px-Laacher_See_vom_Lydiaturm_in_Daemmerung.jpg&w=640&q=50)
Laacher See
From Wikipedia, the free encyclopedia
Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.
![Thumb image](http://upload.wikimedia.org/wikipedia/commons/thumb/a/a6/Laacher_See_vom_Lydiaturm_in_Daemmerung.jpg/640px-Laacher_See_vom_Lydiaturm_in_Daemmerung.jpg)
De Laacher See is 'n ovaal kratermaer in Rienlandj-Palts, op 't Pruses, kortbie de stej Koblenz, Mayen en Andernach. 't Maer völtj 'ne volkanische caldera oppen Eifel, dae ouch d'n insigste van Centraal-Europa is. De naam van 't maer kump aaf van 't Aadhoeagduits waord lacha "maer".
De Laacher See ligk zoea 259 maeter baoven 't zieëspegel, is 8 km innen ómtrèk en wuuert ómringk door 'n moer van hoeag berg. 't Water d'rin is blaw, hieël kaad en haet 'ne bitter smaak. 't Maer haet gèn netuurlike oetluip, wodoor 't waterspegel hieël kan sjoegkele mit verdamping en raenge. Op 't westelik over ligk de benedictiener abdie van Maria Laach (Abbatia Lacensis), die in 1093 gestif woort.