From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
| Kuuk Gewaeze gemeinte in Nederlandj | |||||
| |||||
| Gevörmp | 1994 | ||||
| Opgehaeve | 2022 | ||||
| Opgegange in | Land van Kuuk | ||||
| Provincie | Noord-Brabant | ||||
| Hoofplaats | Kuuk | ||||
| Opperflaakde (bie opluffing) | 57,07 km² | ||||
| – daovan water: | 5,91 km² | ||||
| Inwoeners (kort veur opluffing) | 25.395 (jannewarie 2021) | ||||
| – deechde: | 445/km² | ||||
| Lies van börgemeisters | |||||
Kuuk (Nederlands: Cuijk, in 't lokaal Kleverlands dialek zeet me ouch Kuuk) is e dörp en 'n geweze gemeinte in de Nederlandse provincie Noord-Braobant, in 't Land vaan Kuuk. Kerne waore Beers, Kuuk, Haps, Katwiek (Katwijk), Linde (Linden), St. Agatha en Viane (Vianen). Besjèrmheilege vaan Kuuk is Sinte-Maarten.
Kuuk is allewijl 'n industriegemeinte, en is in die kwaliteit nao d'n Twieden Wereldoorlog pas oontwikkeld. Dao is veurnaomelek voodselindustrie; daoneve kint de gemeinte oonder mie 'n diamantslieperij.
Bezeensweerdeg is de Sint-Maartenskèrk, mèt vieftiende-iewsen torie en neo-gotisch kèrkgebouw, en twie bezoonder meules. 't Museum Ceuclum herberg aw archeologische reste.
De naom Kuuk is trök te leie op 't Keltisch Keukja, "krómming, boch" (nl. in de Maos). In de Roemeinsen tied hètde de plaots, die toen aon de heerweeg Nimwege-Tóngere laog, Ceuclum, in de Germaansen tied woort dat Cuuc. Oet de Keltischen tied stamme vonste wie graafheuvele. De Roemeine sloge 'n brögk euver de Maos, boevaan in 't Museum Ceuclum de reste tentoengestèld weure. Gedorende de Middeliewe waor Kuuk e regionaol centrum, en 't midde vaan de hierlekheid Land vaan Kuuk. Dit vint me nog trök in de taol vaan dees streek: die heet aon de leste Braobantse klaankveranderinge neet mètgedoon en liekent väöl op beveurbeeld 't Venrojs of 't Genneps. In 1559 kaom dees hierlekheid aon 't hoes vaan Oranje-Nassau, zoetot keuning Willem-Alexander vaandaog d'n daag Baron vaan 't Land vaan Kuuk is. De gemeinte Kuuk hètde tot 1994 Cuijk en Sint-Agatha; in dat jaor woorte de gemeintes Haps en Beers bij Kuuk geveug. Al ieder in 1942 waor 't dörp Linde bij de gemeinte Beers gekómme. Op 1 jannewarie 2022 fuseerde de gemeinte mèt Bóksmaer, Grave, Mill en Sint Hubert en Sintunnis tot de nui gemeinte Land vaan Kuuk.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
