Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![Thumb](http://upload.wikimedia.org/wikipedia/commons/thumb/d/db/Matsue_castle01bs4592.jpg/640px-Matsue_castle01bs4592.jpg)
't Kestiel va(a)n Matsue (Japans: 松江城 Matsue-jō) is 'n feodaol kestiel in Matsue, Japan. Mèt de bijnaom "zwart kestiel" of "plevier kestiel" is 't ein vaan de einegste originele (dus neet nui gebouwd in beton, meh gedeiltelek origineel in hout) euvergebleve middeliewse kestiele in Japan. Ein reie heivaan is tot 't kestiel gebouwd is tege 't ind vaan de lèste groete binnelandse oorlog in Japan (Sengoku-periood) en daorum amper oorlog, en meugeleke belègkinge, heet gezeen. Toch is meh 'n klein deil vaan 't kestiel nog authentiek.
De bouw vaan 't kestiel begós in 1607 en indegde in 1611, oonder de lokale kriegshier Horio Yoshiharu. 't Kestiel is 't twieds groetste, 't derds hoegste en 't op vijf nao ajdste oonder de Japanse kestiele.
In 1638 woort 't kestiel euvergedrage aon Naomasa Matsudaira vaan de Matsudaira-clan dee 'ne vazal is vaan de regerende Tokugawa. 't Kestiel bleef heinao veur tien ginneraties in 't bezit vaan dees femilie 'tgeen geit euver 'ne periood vaan 234 jaor. In 1875 woort 't ganse kestiel gesloop mèt es innegste oetzundering de tore dee mog blieve vaanwege inspanninge vaan 'n aontal gróppe. 't Kestiel oonderging evels 'n ganse reconstructie tösse 1950 en 1955.
't Kestiel is 'n complex gebouw, gebouwd in 'ne wachtorestijl. Vaan boete liekent 't te bestoon oet vief verdepinge, dewijl 't zès verdepinge aon de binnekant heet. De mieste muir vaan 't kestiel zien zwart geverf. 't Is 'n steveg gebouw, gebouwd um oorlog te weerstoon dewijl 't toch majestueus en sober is, zoewie de Momoyama stijl dat is.
![Thumb](http://upload.wikimedia.org/wikipedia/commons/thumb/1/1b/Matsue-Castle1.jpg/640px-Matsue-Castle1.jpg)
- Schmorleitz, Morton S. Castles in Japan. Charles E. Tuttle Co., Tokio, 1974. ISBN 0-8084-1102-4.
- Motoo, Hinago. Japanese Castles. Kodansha, Tokio, 200 p., 1986. ISBN 0-87011-766-1.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.