Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
![Thumb](http://upload.wikimedia.org/wikipedia/commons/thumb/f/f6/Juno_spacecraft_model_1.png/640px-Juno_spacecraft_model_1.png)
Juno (ruimtesonde) is een oonbemande ruimtesonde die op 5 augustus 2011 woort gelanceerd. Op 5 juli 2016 is de sonde in 'n polair baon um de gaasreus Jupiter gebrach. De missie vaan Juno is um 't zwoerdekrachveld, 't magnetisch veld en de magnetosfeer vaan Jupiter te oonderzeuke. Ouch zal de rotskern vaan Jupiter, de verdeiling vaan de massa door de planeet, de samestèlling vaan het gaas en de windbeweginge weure oonderzeuk. Dit oonderzeuk levert meugelek 'n beter inziech in 't oontstoon vaan de planeet.
Juno is 't twiede ruimtevaartuig dat in 'n baon um Jupiter vluig, Galileo ging veur tösse 1995 en 2003.
De naom vaan de sonde kump oet de Romeinse mythologie. De god Jupiter hulde ziech in nievele um zien oondöäg te verberge, mer zien vrouw, de godin Juno kós door de wolke loere en Jupiter zijn echte natuur zien.
Juno woort op 5 augustus 2011 gelanceerd mèt 'n Atlas V rakèt. De baon boe-in Juno gebrach woort zörgde veur 'ne flyby vaan Eerd op 10 oktober 2013. De flyby zörg veur 'n versnelling vaan de sonde, zoetot brandstof kin weure oetgespaord. Op 5 juli 2016 woort de sonde in 'n baon gebrach um Jupiter. De baon is zwoer elliptisch en bringk de sonde tot op 2000 km aofstand vaan Jupiter op 't diechsbijzijnde punt en mie es 1,8 mieljoen kilometer aofstand op 't wijdste punt. Dit is gedoon umtot 't straolingsveld vaan Jupiter zoe sterk is tot in geval vaan 'n circulair baon de elektronische apparatuur en zonne-panele neet lang zouwe leve. Einen umloup doort 53,5 daog, mèt kortere umluip gepland in e later stadium. Het plan waor um de sonde 37 kier um Jupiter te laote vlege, daonao zal me de sonde op Jupiter laote neerstorte. Dit lèste is gedoon um te zörge tot eventueel Eerdse veroontreiniging vaan de sonde neet op ein of aander meneer op ein vaan de maone vaan Jupiter terech kin koume (boe meugelek leve besteit).
Motorproblemen
Op 19 oktober 2016 zouw me de motors starte um d'n umloup te goon beperke tot 14 daog. Dit is evels neet gebäörd umtot - nao later bleek - e paar kleppe neet wèrkde. Umtot dit zouw kinne leie tot 'n verkierde baon is beslote dit neet te doen. Juno zal blieve vlege in d'n umluip vaan 53,5 daog en in totaol 12 kier um Jupiter vlege.[1]
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.