Infrastructuur
From Wikipedia, the free encyclopedia
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
Mit infrastructuur wuèrtj meistes verweze nao 't totaal van ónreurendje verzeninge wie (spaor)waeg, vleegveljer, haves, bekabeling, riolering, kabelverbinjinge veur tillefoanverkièr en datacommunicatie, 't drinkwaterleijingsnet en verzening veur 't waterbehièr wie dieke, watergeng en waterzuveringsinstallaasjes.
Algemeinelik is 'n euverheid verantjwuèrderlik veuren aanlègk en 't behièr vanne infrastructuur. 't Riek is in Nederlandj verantjwuèrdelik veuren aanlègk van riekswaeg en spaorlien en groate waterwirke. Riekswaterstaot is d'n autosnelwaegbehièrder. Regionaal euverheje, gemèndjes, pervinsjes en watersjappe höbbe verantjwuèrdelikheje veure lokaal infrastructuur. De Europese Unie eisj det infrastructure vanne lenjer opein aansloete, det beveurbeildj zichbaar is inne opein liekendje verkièrssjiljer en -teikes op 't Europees waegnet.