From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
Immobilië, immobilie of vasgood riffeert nao de groond en gebouwe op dee groond boe iemes eigeneer vaan is of eigeneer vaan kin weure. D'n term vasgood verwijs nao 't neet-verplaotsbaar karakter vaan dees geujere. De term good verwijs nao 't materieel karakter. Vasgood betröf dus neet-verplaotsbaar materiëel geujere. 't Woord immobilië is de weitesjappeleke en juridische term en weurt in daogeleks leve gebruuk in Belsj-Limbörg en in Vlaondere, zoe-ouch in Duits- en Franstaoleg gebeed. Vasgood kump mie veur in Nederlands-Limbörg en de res vaan Nederland. In Vlaondere heet de opleiing in immobilië dèks Vastgoed. Die kin me neet in Limbörg studere, meh wel in Mechele (Antwerpe), Gent en Aals. De merret boe-in me marchandeert in immobilië weurt d'n immobiliëmerret of vasgoodmerret geneump - mer es 't specifiek euver hoezer geit weurt in de volksmoond ouch dèks sömpelweeg euver d'n hoezermerret gesproke.
De globaole financiescrisis vaan 2007/2008 begos es 'ne crisis in d'n hoezermerret.