From Wikipedia, the free encyclopedia
Dit artikel is gesjreve (of begós) in 't Ieëpesj. Laes hie wie v'r mit de versjillende saorte Limburgs ómgaon.
Ieëpe (Nederlands: Epen) is e dörp in 't heuvelland va Zuud-Limburg in de gemingte Gulpe-Wittem. In 2015 wónde d'r 1.075 luuj. [1] Dur naam zow aafgeleid zieë van apa (=water) en betekent nederzètting an 't water (du Guel).
In de Middeleeuwe woar Ieëpe eegedóm va de Karolingesche Kuninge. In 'n akte oet 1049 is d'r naam Alpine vur de usjte kier te laeze. Later waed dat Apina. Tot an der Franse tied in 1794 vool de umgaeving, oe-ónder och Mechele en Wahlwiller, onder de abdi-j va Burtscheid.
In de tied tösje de 2 oorloge begint 't toerisme op te kaome en daodurch nemt och de welvaart toe. De umgeving is wereldkundig gemakt durch 't bukske Uit ons krijtland va Eli Heimans. Nao hem is 't Heimansreservaat, Ondersjte en baoveste bösj, de Heimansgroeve en de Heimanssjtroat genumt. Op dis plek an de Guel kumt d'r Carboonsjtee baove g'n aed. In de umgaeving zunt e paar vurbeelde te zieë va hoezer (gedeeltelek) gebowd mit dae sjtee.
De karakteristieke kirk van Ieëpe is gewiejd aan de heilige Paulus-Bekieëring. In de umgaeving lient opvallend väöl ouw vakwerkhäöf en hoezer.
Op d'r usjte zóndig va de vaste wet 't Burckbrêane gehotte. De kinger van 't dörp gunt 't 's middigs mit tractors en kare durch gans Ieëpe brêanbaar matriaal ophaole en dat wet op inge groeëte hoop gekiept, "De Burck". De kinger trikke 't 's ovvends vanaaf 't Burckpleintje mit fakkele onder begeleiding van de hermeni-j Internos nao De Burck en sjtaeke dao de fakkele i. Daonao sjpelt de hermeni-j nog ing aantal liedjes en de luj van 't durp werme zich bie De Burck en drinke ing tas zelf gemakte werme chocomel. Dan geet iekeringe langzaam nao d'r kafie in 't dörp.
De fakkele die tiedens d'r optocht waede gebroekt, waede op d'r zjoresjtig van te vuere zelf gemakt durch de kinger en volwassene van 't dörp in 't Burckhoes.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.