Hemelvaart
From Wikipedia, the free encyclopedia
From Wikipedia, the free encyclopedia
Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Hemelvaart (Latien: In ascensione Domini = 't nao de hemelsjtiege van de Hièr) ies 'ne katholieke en christeleke fièsdaag. Op de vièrtigste daag nao Paosje, ummer op dónderdig, tièn daag veur Pinkstere weurt 'r gevierd in Nederland, Belsj, Colombia, Denemarke, Duutsjland, Finland, Frankriek, Groenland, Haïti, Iesland, Indonesië, Liechtenstein, Luxemburg, Madagaskar, Namibië, Noorwege, Oastenriek en Zjwitserland. In väöl leng ies dae dónderdig 'ne vrieje daag. In Hongarije, Italië, Pole, Portugal en Spanje vèlt Hemelvaart op de zóndig, zeve daag veur de Pinkstere.
Herdach weurt de hemelvaart van Christus, dae besjreve sjteit in (Handelinge 1:9-11). Traditioneel doon väöl kinger op dezen daag de 1e Heilige communie. Dèks weurt'r, vanwege de vrieje fièsdaag, de Hepi-vakantie aangekoppeld. Dat ies de periode tösje (He)melvaart en (Pi)nkstere.
Hemelvaartsdaag ies ouch 't fiès van de Christelike Arbeidersjbewaeging. Herdach weurt dan dat in 1891 de pauselijke encycliek Rerum Novarum, versjeen, dae handelt euver sociaal rechvaardigheid.
Vreuger sjtónge luuj op hemelvaartsdaag hièl vreug op (veur daag en dauw: sjnachs rónd 3 oer) um dan berves (op bloate veut), zingentaere door 't graas te goon loupe. Diet zou 'n magische of heilende wèrking höbbe.
'ne Andere hemelvaart ies Maria Hemelvaart of Maria-tenhemelopnumming. Die viering vèlt op 15 augustus. Op daen daag weurt ouch de kroedwösj gewiejd.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
