From Wikipedia, the free encyclopedia
Dit artikel is gesjreve (of begós) in 't Zösters. Laes hie wie v'r mit de versjillende saorte Limburgs ómgaon.
De Hei is 'n wiek in 't noordoaste van 't Nederlandjs-Limburgse sjtedje Zöstere en tèlt (in 2007) róndj de 1250 inwoaners.
De Hei is 't ènsigste deil van Zöstere det t'n oaste van de sjpaorlien Zitterd - Remunj ligk. De wiek sjteit mit 'nen tunnel ónger 't sjpaor in verbinjing mit de res van de woanplaats. Van oarsjpróng is 't e gehuch en door sómmige weurt 't nog altied es zoa gezeen, ómdet 't get boete de res van Zöstere ligk. De wiek besjteit oet twieë lang sjtraote en inkel kórte ziesjtraote. De veurnaamste sjtraot is de Heisjtraot, die 'n doorgaonde functie haet. De wiek is bao gans oet zichzelf óntsjtange en sjlechs veur e klein deil oet nuujboewprojèkte. Euverwaegend sjtaon d'r vriesjtäönde weuninge en häöf, mer ouch inkel riejkeshoezer. Ouch zeen d'r inkel klein bedriever, meh woane is de veurnaamste functie van de wiek.
De wiek kènt nawweliks veurzeninge, de kórtsbiezeende sjoale en winkels bevinje zich in anger deiler van de Zöstere. Vreuger woor d'r allein 'n kleutersjoal gelaege. Oppe Hei is de plaatselike voetbalvereiniging Susterse Boys gehoesvès.
De Hei haet 'n witgesjilderde Mariakepel oet 't jaor 1950, gelaege bie de kruutsing Heisjtraot/Pissumerwaeg. De kepel is opgetróch in brik (baksjtein) en haet e zaaldaak en drieziejig gesjlaote koar. Wiejer bevindj zich aan de Rijdtsjtraot tösje twieë weuninge 'n Loerdgrot.
t'n Oaste van de wiek ligk 't verkansiepark Landgoed Hommelheide, óngerdeil van Europarcs. Bie dit park ligk ouch de Golfbaan Echt-Susteren.
 | |
|---|---|
| Sjtaej en Dörper: De Boesj · Detere · D'n Deelgaard · Ech · De Nuujsjtad · Pej · Roostere · Sint-Joeas · Zöstere | |
| Buurtsjappe en gehuchte: Anen Echterbós · Ane Reiens · Aw-Kirk · Baakhaove · Berkelieër · Brachterziej · Breukelder · De Hieërsjtraot · D'n Aosterberg · D'n Echterbós · Echterhei · Gebrook (Ech) · Gebrook (Zöstere) · Hei · 't Hènge · Illekaove · Kokkelert · Lombok · Middehei · Oevereind · Ophaove · Oppe Kampes · Pepienesbrögk · Pötbrook · Sjaelberg · De Sjlek · Sjpaanshuuske · Vèsserswaert · Veurt · 't Vondere | |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
