From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
'ne Geluidloeze film, zwiegende film, stomme film (vaanoet 't Hollands gebrukelek in Nederlands Limbörg) of stèlle film (vaanoet 't Vlaoms in Belsj Limbörg) is 'ne film boe-in inkel 't beeldsignaal veurkump. Pas in 1927 woort 't mèt introductie vaan de geluidsfilm meugelek um geluid en beeld impassant aof te speule.
Um de deprivatie vaan geluid te prikke, kaome in 'ne geluidloeze film tekste veur die de situatie op 't sjerm expliciteerde of de höbbende reie symboliseerde.
Soms woort 'nen explicatäör geütiliseert, iemes dee zag wat d'r gezag woort en die begeleiende geluide maakde. Zoenen explicatäör waor 'nen arties anziech. Es in de film beveurbeeld iemes 'ne motor heerslingerde, daan drejde d'n explicatäör mèt zien ratel. Veel d'r get, daan houwde d'n explicatäör klapenterende stek op taofel, de slapstick, doe häöre naom aon dit genre film good. 'ne Gooje explicatäör kós de film percies, zoetot heer op tied 't gerei bij de hand had um geluide te make. Wijer woort de film dèks mèt meziek begeleid door e klein orkes wat in 'n orkesbak of gewoen neve 't sjerm ziech bevoond. 'ne Werkeleke geluidloeze film goof 't dus bekans noets.
De Wes-Nederlandse benaoming stomme film mót me neet letterlek opvatte. 't Meint neet tot 't hei um 'nen ambetante of sejje film geit. Stom weurt in 't Hollands dèks gebruuk veur 't Limbörgse doufstom of 't Staanderdnederlandse doofstom: iemes dee neet klasjenere kin, percies wie'ne geluidloeze film dat ouch neet kin.
Hei volg 'n alfabetische lies mèt de geluidloeze films die op dees Wikipedia staon. Zie weurt nog ummertouw aongevöld. De films stoon hei op alfabetisch rangering, mèt de lidwäörd neet touwgepas.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
