Gangelt

Gangelt is 'n stad en gemèndje in 't kreis Hinsberg, in Naordrien-Wèsfalen in Duutsjlandj. Gangelt kreeg in 1301 stadsrechte. 't Stedje ligk tösse Sjilvendj, Langbrook, Hastelder, Kritsraoj en Sjta in, ane naordkantj van 't baekdaal vanne Roeaj Baek. In totaal haet de gemèndje, die begrens wuuertj door Vuch, de Zelfkantj, Hinsberg en Geilekirke, 11.642 inwoeaners.

Dit artikel is gesjreve in 't Mofers. Ómdat 't plaatsgebónge is, maogs doe 't ómzètte nao 't Gangelter, es te dit dialek sjpriks.

---

't Stadsaanzich van Gangelt inne Codex Welser van róndj 1720.

De ligking vanne gemèndje Gangelt in 't kreis Hinsberg.

't Stedje steitj bekèndj veur 't groeat wildjpark, Wildpark Gangelt, wo de bieëster betrèkkelik vrie kónne róndjloupen in groeate aopelóchverbliever. In 't park laeve bieëster die ouch in 't wildj veurkómmen of veurkomen in dit deil van Duutsjlandj en Nederlandj.

Ouch 't aopelóchbaad van Gangelt trèk naeve Duutsje bezeukers väöl jóngere vanoet 't kórtbiegelaenge Nederlandjs-Limbörg.

Gerardus Mercator koom oet Gangelt.

Plaatse

De volgendje plaatse ligken inne gemèndje Gangelt:

• Berde (Birgden)
• Boesjerhei (Buscherheide)
• Breibere (Breberen)
• Brookhaove (Broichhoven)
• Brukske (Brüxgen)
• Gangelt
• Hastelder of Hasteraoj (Hastenrath)
• Hei (Nachbarheid)
• Hertsel (Harzelt)
• Hirkeraoj (Herkenrath)
• Hogeboesj (Hohenbusch)
• Keverberg (Kievelberg)
• Kritsraoj (Kreuzrath)
• Langbrook (Langbroich)
• Mindergangelt
• Nieërboesj (Niederbusch)
• Sjeerwallere (Schierwaldenrath)
• Sjta (Stahe)
• Sjum (Schümm)
• Vintele (Vinteln)

Gemeinte Gangelt
Dörper en sjtaej: Berde · Breibere · Brookhaove · Gangelt · Hastelder · Kritsraoj · Langbrook · Mindergangelt · Nieërboesj · Sjeerwallere · Sjta · Sjum
Gehuchte en buurtsjappe: Boesjerhei · Brukske · Hei · Hertsel · Hirkeraoj · Hogeboesj · Keverberg · Vintele