![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/e/e6/MillingCutterSlotEndMillBallnose.jpg/640px-MillingCutterSlotEndMillBallnose.jpg&w=640&q=50)
Fraes
From Wikipedia, the free encyclopedia
Dit artikel is gesjreve (of begós) in 't Sint-Joasters. Laes hie wie v'r mit de versjillende saorte Limburgs ómgaon.
![Thumb image](http://upload.wikimedia.org/wikipedia/commons/thumb/e/e6/MillingCutterSlotEndMillBallnose.jpg/640px-MillingCutterSlotEndMillBallnose.jpg)
'n Fraes is e stök sniejggereidsjap, plaat- of cilindervörmig mit vertanjinge die es bietele deensdoon bieje bewirkinge van houtere, metale of plestike wirkstökker. 't Gereidsjap wuèrtj op 'n fraesbank bevèstig enne róndjdrejjendje fraes of 't wirkstök bewaog zich lineair veur zoa e perfiel of 'n oetsparing te verkriege, de zoa-geneumdje aanzat- of voedingsbewaeging.
'ne Wormvörmige fraesbietel wuèrtj gebroek veur vertanjinge op 't (róndj) wirkstök (wie bie e tandj- of kittingsraad) aan te bringe. Hiebie drejtj 't wirkstök mit.
Bie fraeze gemaak van snelstaol (18% woufraam) kan de sniesnelheid wichtig waeren opgeveurdj t'n opzich van die van gereidsjapsstaol, toet 't dóbbelt hoager.
Veur 't vlakfraeze wuèrtj 'n mantjel- of metskopfraes gebroeken en veur spiebane de zaeg- of spiebaanfraes. d'n Hook worónger de gröbben inne fraes loupe zeen aafhenkelik vanne saort aan matterjaal. 't Aantaal aan tenj is ouch wichtig dao-in.