Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
'n Europese polletieke partie, formeel bekind es 'n polletieke partie op 't Europees niveau en informeel bekind es 'n Europartie of EU-partie, ies 'n type polletieke partie en organisatie die supranationaal opereerd in Europa en in de insjtillinge van de Europese Unie (EU). Officieel heisje dees partieë polletieke partieë in 't verband mit de EU en zie zin gerechtig financieel subsidie van de EU te ontvange. "Artikel Tièn/Lid Veer" van 't Verdraag rakende de Europese Unie sjtèlt: "Europese polletieke partieë zin 'ne belangrieke factor veur integratie binne de Unie. Zie drage bie bies de vörming van e Europees bezej en bies de oeting van de polletieke wil van de börgers van de Unie". Diezelfde zin woort ouch gebruuk in de aafgeweze constitutie van de Europese Unie.
'n Europese polletieke partie moet neet verward weure mit 'n Europese fractie, mer dieks komme ze euverein. Europees fracties wirke es ein fractie in 't Europees Parlemint (EP). Sommige partieë zin groat genoeg um ein fractie te vörme, zoa-wie de Europese Voukspartie (EVP). Anger partieë zin dao te klein veur. Zoa wil d'n Italiaanse Democratische Partie neet op EU-niveau deil oetmake van de Partie van de Europese Socialiste (PES). Daorum operere de PES same mit de anger sociaaldemocratische partieë in 't EP in de fractie van Socialiste & Democrate: de S&D.
Europese fractie en partieë in 't EP
- De Europese Voukspartie (EVP), deil van de EVP-fractie (177/705 zedele): Pro-Europeanisme; Christendemocratie; centrumrechs
- Partie van Europese Socialiste, deil van de Socialiste & Democrate (S&D) (146/705 zedele): Pro-Europeanisme; Sociaaldemocratie; centrumlinks
- ALDE, deil van de Renew Europe-fractie (98/705 zedele): Pro-Europeanisme; Liberalisme; centrumrechs
- Europese Greune Partie (EGP), deil van de Greune-Europese Vriej Alliantie (G/EVA) (73/705 zedele): Pro-Europeanisme; Ecologisme; links
- Identiteit en Democratie (ID), deil van de ID-fractie (71/795 zedele): Anti-Europeanisme; nationalisme; wiedrechs
- Europese Conservatieve en Hervörmers (ECR), deil van de ECR-fractie (63/705 zedele): Zach Eurosceptisme/anti-Fidderalisme; conservatisme; rechs
- Partie van Europees Links (PEL), deil van 't Links in 't Europees Parlemint - GUE/NGL (LINKS) (39/705): Zach Eurosceptisme/anti-Fidderalisme; Democratisch socialism, Marxisme en communisme; links bies wiedlinks
Twiè partieë höbbe es dool officieel Europese partieë te weure en presentere ziech al es zoadanig: 't socialistisch DiEM25 en 't sociaal-liberaal Volt Europa.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
