Dit artikel is gesjreve (of begós) in 't Valkebergs. Laes hie wie v'r mit de versjillende saorte Limburgs ómgaon.
Dreesj, drees of dries beteikent etymologisch braakland. Zoan land woort tiedelik es, sóms gemeinsjappelike, wei gebruuk es gevolg van ‘t driesjlaagsjtèlsel. ’t Waor dan sjuus mèt de ploog egaal gemaak. Vanwege gebrek aan mès woort erm land mer ins in de drie jaor ingezièjd. De tösjeliegkende twiè jaor loog ‘t land “dreesj”. ’t Woord is meugelik verwant aan Latiense terere, wat glad vrieve beteikent. Dreis ies ouch Keltisch veur brièmsjtroek.
Dèks wies de naam op 'n driehokig sjtök land, dat gevörmp ies door krusende waeg d'r umheen. In de gemeinte Nut bevingk ziech op ‘t ing van de Driesenweg, tösje de gehuchte Tervoeësj, Tersjtraote en Nirve, ouch ’n plek mèt de naam G'n Dreesj. De einzaam, mergele, boerderie oet 1733 die hie liek heisj ‘t zelfde. In ’t gehuch Katsep (bie Aelse) verwies de naam Op de Dreesj nao ‘n drieheukige plek, woa vreuger de drinkpool gelege haet veur ’t viè, de zoa geneumde dreesjpool. De waeg daolangs hesje vreuger Driesjervootpaad of Driesjerwaeg.
Ander veurbeelde in Limburg zint de Wolfdrieswaeg in Geulem, de Maagdendries in Mestreech, de Dries bie Naer en op den Dries bie Heieret. Bove Sjlenake kump 'r es hotelnaam truuk. Bie de Gulp neve Hommerig (Hombourg) in Belsj es Ten Dries en op 't Duutsj in de buurt van Postert: de Driesch, de Haasterdriesch en Eckholderdriesch.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
