From Wikipedia, the free encyclopedia
Dit artikel is gesjreve (of begós) in 't Remunjs. Laes hie wie v'r mit de versjillende saorte Limburgs ómgaon.
Dolný Harmanec (IPA: /'dɔlni: 'ɦarmanɛts/; 1927-1957: Harmanec; Hongaars: Alsóhermánd; Duutsj: Niederhermanetz) is e dörp en 'n gemeinte in 't Sjlowaaks distrik Banská Bystrica. 't Plaetske ligk zon 13 km van de houfplaats Banská Bystrica en 22 km van de sjtad Turčianske Teplice aaf.
't Dörpke Dolný Harmanec ligk op 'n heugde van 486 m. De oppervlaakde van de gemeinte is 44,29 km². De gemeinte Dolný Harmanec haet 247 inweuners (31 december 2004) en 'n bevolkingsdichheid van 6 luuj/km². De poscode van de gemeinte is 976 03.
Dolný Harmanec ligk in e bergechtig gebied tösse de Grote Fatra in 't naorde en de Kremnitzer Berg in 't zuje. 't Dörpke ligk in 't daal van de Bystrica-baek.
Op de waeg nao de bergpaas Malý Šturec bevindj zich de Hermaneckágrot (Harmanecká jaskyňa), 'n droepsteinhäöldje. Dees grot is 2.763 m lank, wovan e 720 m langer deil saer 1950 es 'n toeristische grot is ingerich gewaore.
Dolný Harmanec waerde veur 't eers vermeldj in 1540 es Hermans. In daen tied woor 't e mienwirkersdörpke det drek ónger Banská Bystrica veel.
In 1826 óntsjting aan de zuudrandj van 't dörp 'n pepierfebrik. In 1883 waerde 't dörpke Horný Harmanec, det waas bewoond door kaolebrenjers, ingelief door de gemeinde. In 1957 waerde 't gebeed róndjóm 't pepierfebrik aafgesjtange aan de nuuj politische gemeinte Harmanec en waat euverbleef van de gemeinte kreeg de naam Dolný Harmanec.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.