Däölke
From Wikipedia, the free encyclopedia
Dit artikel is gesjreve (of begós) in 't Mestreechs. Laes hie wie v'r mit de versjillende saorte Limburgs ómgaon.
't Däölke, Corvus monedula, (Linnaeus, 1758) is 'ne vogel oet 't geslach Corvus (krejje). 't Is 't kleinste lid vaan dees familie wat in eus streike veurkump en ouch de meis veurkoumende vertegewaordeger in Nederland en 't Belsj. 't Däölke heet zie succès te daanke aon e tollerant dieet en e groet aonpassingsvermoge, veural ouch de gesjikheid um in de stad bovegemiddeld good te euverleve.