Vijfde iew
From Wikipedia, the free encyclopedia
De vijfde iew vaan de christeleke jaortèlling leep vaan 401 tot en mèt 500. Me rekent dees iew gemeinelek tot de late aajdheid. Dit waor de iew boe-in 't Wes-Romeins Riek opheel te bestoon door golf nao golf vaan Germaonse invalle, die samehónge mèt de Groete Volksverhuizinge. Oetindelek kristalliseerde de Germaonse stamme ziech oet tot good geregelde, christeleke keuninkrieke. 't Oos-Romeins Riek, ouch bekind es Byzantijns Riek, bleef bestoon, iers oonder de Theodosiërs, daan oonder de Leonide. In Perzië heersde wie veurheer de Sassanide, in India bereikde 't Guptariek ziene groetsten umvaank. China waor verzeild geraak in 'nen tied vaan groete chaos die de ganse iew neet mie oetsjeide. In Midde-Amerika bleujde de stad Teotihuacan en versjèllende Maya-stadsstaote.