29 fibberwarie is d'n ekstra daag in e sjrikkeljaor. Heer woort oonder Julius Caesar bij 't instèlle vaan de Juliaanse kalender ingeveurd. Sindsdeen kaom 'r alle veer jaor trök, totdat de Gregoriaanse kalender dao 'n ind aon maakde. Sindsdeen vervèlt alle hoonderd jaor e sjrikkeljaor, tenzij 't deilbaar is door 400. 2000 waor dus wel e sjrikkeljaor, 1900 waor dat neet en 2100 zal 't ouch neet weure.
| jan - fibberwarie - mrt | ||||||
| << | 1 | 2 | 3 | 4 | 5 | 6 |
| 7 | 8 | 9 | 10 | 11 | 12 | 13 |
| 14 | 15 | 16 | 17 | 18 | 19 | 20 |
| 21 | 22 | 23 | 24 | 25 | 26 | 27 |
| 28 | 29 | >> | ||||
D'n datum vaan 29 fibberwarie bringk soms juridische probleme mèt. Bepaolinge die wèttelek vaanaof 29 fibberwarie vaan krach zien, wie de mierderjaoregheid, goon in gewoen jaore noe ins op 28 fibberwarie, daan weer op 1 miert in. Op de kathelieke heilegekalender is dit de fiesdaas vaan Oswald vaan Worcester.
In inkel gevalle heet 't 'nen 30 fibberwarie gegeve. Dit waor beveurbeeld in 1712 in Zwede 't geval.
- 1644: Abel Tasman begint aon zien twiede reis euver de Stèllen Oceaon.
- 1720: Keuningin Ulrika Eleonora vaan Zwede trejt aof te gunste vaan häöre maan, Frederik I.
- 1752: Alaungpaya weurt keuning vaan Birma en stiech de Konbaungdynastie, de lèste die 't land zal regere.
- 1940: Hattie McDaniel weurt de ierste Afro-Amerikaanse die 'nen Oscar wint.
- 1992: In Bosnië-Hercegovina begint e rifferendum euver oonaofhenkelekheid dat oetindelek op 'ne börgeroorlog zal oetloupe.
- 1996: 't Belag vaan Sarajevo löp aof.
- 2004: Jean-Bertrand Aristide weurt in 'ne staotsgreep aofgezat es president vaan Haïti.
- 2012: De Tokyo Skytree, mèt 634 meter eint vaan de hoegste gebouwe op Eerd, kump veerdeg.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
