Куьре магьал

Куьредин магьал (урус. Кюринский округ) — 1866 — 1928 йисара хьайи, Дагъустандин вилаятдик ва Дагъустандин АССРдик квай администрациядин тек.

Округ Куьредин магьал урус. Кюринский округ Герб Уьлкве Урусатдин империяУрусатдин империя Губерния Дагъустандин вилаятДагъустандин вилаят Юкь Кьасумхуьр Бине кьунва 1866 йисуз Агьалияр 79 796 кас (1886)

Кьилин хуьр — Кьасумхуьр.

Администрациядин паюнар

Округ наибвалриз пай жезвай. 1899 йисуз наибвилер участокриз элкъвенай. Вичин нубатда гьа наибвилер хуьруьн-жемиятрикай ибарат тир.

1886 йисуз округдик агъадихъ галай наибвилер акатзавай:

Наибвал	Администрациядин юкь	Агьалияр	Миллетар
Хъутур-Куьредин наибвал	Векьелар	22 949	лезгияр (100 %)
Гуьне наибвал	Кьасумхуьр	20 899	лезгияр (96 %) чувудар (4 %)
Кьибле-Табасарандин наибвал	Зизик	18 220	табасаранар (79 %) лезгияр (18 %) чувудар (3 %)
Кьурагь наибвал	Кьурагь	15 590	лезгияр (60 %) агъулар (40 %)
Улусс магьал	ЛукӀар	2 138	азербайжанар (66 %) чувудар (34 %)

1926 йисуз наибвилер терг авуна абурун чкадал ругуд участокар тешкилнай:

• Агъул участок (юкь — Тпиг хуьр),
• Гуьне участок (юкь — Кьасумхуьр),
• Кьурагь участок (юкь - Кьурагь хуьр),
• Хъутур - Куьредин участок (юкь — Ичин хуьр),
• Улусс участок (юкь — Зугьрабхуьр),
• Кьибле - Табасарандин участок (юкь — Зилдик хуьр).

Тарих

Куьредин округ 1866 йисуз Куьредин ханвилин чкадал арадал гъанай. 1921 йисуз округ Дагъустандин АССР-дик акатнай.

1928 йисан ноябрь вацра Дагъустандин АССР-да кантонриз паюнин система къуватда гьатнававиляй вири округар терг авунай. Округдин къене сифте кантонар, гуьгъуьнлай гьа кантонрикай гилан районар тешкилнай.

Агьалияр

1886 йисан агьалияр сиягьдиз къачунин нетижайрив кьурвал, округда 79 796 касди уьмуьр ийизвай ^[1].

1886 йисан малуматриз килигна, округда авай миллетар ^[1]:

Вири	лезгияр	табасар.	агъулар	с.чувудар ¹	цӀапар
79 796 (100 %)	55 233 (69,2 %)	14 397 (18 %)	6 135 (7,7 %)	2 629 (3,3 %)	1 402 (1,8 %)

Къейдер:
1. Ина сувун чувудрин кьадардик татарни ква.

Баянар

1. Дагъустан вилаятдин агьалияр 1886 йисуз

ЭлячӀунар