КцӀар
From Wikipedia, the free encyclopedia
From Wikipedia, the free encyclopedia
КцӀар (азер. Qusar) — Азербайжан республикадин КцӀар районда авай шегьер. Райондин администрациядин юкь я.
 Шегьер
КцӀар
|
КцӀар тӀварцӀин арадал атуникай чара-чара тарихдарри шумудни са баянар гузва. Виридалайни машгьур версиядив кьурвал, КцӀар гаф урус чӀалан Гусар, яни кьушунрин жуьредикай сад тир «балкӀандал алай аскер» гафуникай арадал атана. Идан себеб, Урусатдин Империядин чӀавуз КцӀар шегьерда урусрин балкӀанрал алай аскеррин кьушунрин кӀеретӀар авай.
Муькуь алимрин фикирдалди, КцӀар гаф «гъуц», «кьве сур» (кьисадив кьурвал, са мус ятӀа ина кьве лезгидин арада къал акъатнай, абуру сада сад яна кьинай, ахпа абур кьведни ина кучуднай), «ксар» (дегь алпандин тайифадин тӀвар) гафарикай арадал атанвайди мумкин я.
Шегьер КцӀар райондин кьибле пата, Къуба райондихъ галаз сергьятдал, КцӀар вацӀун кьерел, Баку шегьердилай 180 км яргъал ала. КцӀарин къвалав Фиалка тӀвар алай вир гала.
Йисариз килигна шегьердин агьалийрин кьадар:
| Йис | 1926 | 1939 | 1959 | 1970 | 1979 | 2009 | 2013 |
| Агьалияр | 2 996 | ↗ 4 329 | ↗ 7 366 | ↗ 11 144 | ↗ 12 017 | ↗ 16 466 | ↗ 17 500 |
| Йис | 1926 [1] | 1939 [2] | 1959 [3] | 1970 [4] | 1979 [5] |
| лезгияр | 430 (14,4 %) | ↗2 104 (48,6 %) | ↗ 4 804 (65,2 %) | ↗8 257 (74,1 %) | ↗9 610 (80 %) |
| азербайжанар | 628 (21 %) | ↗826 (19,1 %) | ↗956 (13 %) | ↗1 413 (12,7 %) | ↗1 444 (12 %) |
| урусар/ украинар | 1 634 (54,6 %) | ↘ 1 034 (23,9 %) | ↗ 1 050 (14,3 %) | ↘973 (8,7 %) | ↘585 (4,9 %) |
| чувудар | 120 (4 %) | ↗241 (5,6 %) | ↘230 (3,1 %) | ↗313 (2,8 %) | ↘173 (1,4 %) |
| вири | ↗2 996 (100 %) | ↗4 329 (100 %) | ↗7 366 (100 %) | ↗11 144 (100 %) | ↗12 017 (100 %) |
Шегьерда консерврин, некӀедин ва асфальт гьазурзавай заводар кардик ква.
1998 йисуз КцӀара Гьукуматдин лезги драмадин театр ахъайнай.
2006 йисуз шегьерда 6 юкьван чирвилерин мектебар кӀвалахзавай, абурукай сад азербайжан вадни урус мектебар тир. Идалайни гъейри, шегьерда мектебдилай вилик гьазурвилер гудай чирвилерин идара, Азербайжандин Гьукуматдин Педагогикадин Колледж кардик ква. Колледжда азербайжан чӀалан, ингилис чӀалан ва литературадин муаллимар ва гьакӀни сифте кьилин мектебрин муаллимар гьазурзава.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
