![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/67/Saudi_Arabia_location_map.svg/langlez-640px-Saudi_Arabia_location_map.svg.png&w=640&q=50)
Мекка
From Wikipedia, the free encyclopedia
Мекка (араб. مكة Макка, гьакӀни مكة المكرمة Макка ал-Мукъаррама) — Сауди Арабистандин Гьиджазда авай шегьер я. Макка велаятдин кьилин шегьер я. Вич Джедда шегьердилай 70 километрдал ала, шкӀуь дереда 277 метр гьуьлелай вине. 2020 йисуз шегьерда 2 миллион кас яшамиш жезвай, Гьадждал къвезвай кьван инсанар а цифрадилай пуд сефер пара я.
![]() Мекка араб. مكة | ||||||||
Координатар: | 40°43′42″ к. гь. 73°59′39″ р-а. я.HGЯOL | |||||||
Уьлкве: | Сауди Арабистан | |||||||
административ округ | Мекка | |||||||
Мэр | Усама аль-Бар | |||||||
Садлагьай тӀвар кьун: | I вишйис чи э.в. | |||||||
Виликан тӀварар: | Бакка | |||||||
Майдан: | 760 км² | |||||||
ЯШЧ кьакьанвал: | 227 м | |||||||
Гьава: | тропикдин къумлух | |||||||
Агьали: | 2 042 000 кас. (2020) | |||||||
Къалинвал: | 2200 кас./км² | |||||||
Динар: | 100 % — мусурманар | |||||||
Сятдин чӀул: | UTC+3 | |||||||
Телефондин код: | (+966) 12 | |||||||
Почтунин индекс: | ||||||||
Сайт: | http://www.holymakkah.gov.sa/ | |||||||
![]() | Mecca |
Мугьаммад пайгъамбардин, салли Аллагьу алейгьи ва салам, хайи чка я. Гьана адаз Кьуръандин сифте аятар атайди я. Мекка Ислам диндин виридалайни пак тир шегьер я, гьакӀни вири мусурманри капӀ ийидайла кьил элкъуьрзавай пад. Гьар йисуз шегьердиз мусурман календардин Зуль-Гьиджа вацра вири дуьньяда Аллагьдихъ агъунвай мусурманар Гьадждал къвезвайди я. Меккада Кааба авайди я. Пара чӀавуз Мекка Мугьаммад пайгъамбардин, салли Аллагьу алейгьи ва салам, невеяр шарифри кьиле тухузвай, маса чӀехибурун вассалар хьиз, дахьайтӀа чеб чпиз. 1925 йисуз шегьер Ибн Сауда къачуна. Къенин чӀавуз Мекка лап зурбадаказ еке хьана, инфраструктурани вилик физ. Вири дуьньядал тӀвар-ван ава Абрадж аль-Байтдихъ, маса тӀвар Макка Роял Клок Тауэр Гьотел алай, кьакьанвиляй дуьньядин пудлагьай кӀвални дуьньядин виридалайни еке гьяркьуьвал авайди хьиз.
Гьа цӀийилер эцигайла Меккадин тарихвилин гьални кӀвалер квахьна. Гьабурун арада Аджйад къала ава. Къе гьар йисуз шегьердиз 15 миллион мусурмандилай пара кас къвезва, Гьадждин са шумуд йикъал къвезвайбурни кваз. ГьакӀ хьана Мекка мусурман дуьньядин виридалайни акахьнавай шегьеррик кваз хьана, мусурманар туширбуруз аниз къвез ихтияр авачтӀани.
2010-лагьай йисан 13-лагьай ноябрдиз Меккадин ччилин винел алай метрополитен ахъайна, ада шегьердай тӀуз ва гьаждиз атанвай инсанри ритуал адет ийизвай чкайриз (Муздалифа ва Мина дугунар, Арафат сув) лап пара инсанар тухузва.
2012-лагьай йисуз Меккада дуьньядин виридалайни еке Абрадж аль-бейт лугьудай цӀуд-небоскребрин комплекс эцигиз куьтягьна. Ада виридалайни кьакьан дарамат — Пачагьдин сятдин цӀуд — кьакьанвилел гьалтайла дуьньядин пудлагьай чкадал ала, ина дуьньядин виридалайни кьакьан сят ава.
Меккада лап пара гьажияр къведай чӀавуз гзаф вахтара чуькьуьн, цӀай кьунар ва маса хер хьайибурни кьенвайбурни галай вакъиаяр жезва. 1990-лагьай йисуз Меккада кӀвач-кӀвачин туннелда хьанвай трагедиядин нетижада 1,5 агъзур кьван гьажи кьенва. Виридалайни ири чуькьуьн галай инцидент Меккада 2015-лагьай йисуз хьана, гьа чӀавуз ана кьве агъзурдилай виниз кас кьена.