From Wikipedia, the free encyclopedia
Бутахуьруьн Къазмаяр (урус. Бут-Казмаляр) — Дагъустан республикадин Мегьарамдхуьруьн районда авай, «Бутахуьруьн Къазмайрин» хуьруьнсоветдик акатзавай хуьр.
Хуьр
|
Хуьр Мегьарамдхуьруьн райондин юкьван пата, Азербайжандин КцӀар райондихъ галаз сергьятдин мукьвал, райондин юкь тир Мегьарамдхуьрелай 10 км, Самур вацӀалай 1,6 км яргъал ала. Хуьрелай 3 км яргъал, рагъакӀидай пата Р217 «Кавказ» авто-рехъ физва.
Хуьруьн тарих вичин улу-буба тир тарихдин Бутахуьруьн тарихдихъ галкӀанва.
Бутахуьруьн Къазмайрин бине СтӀал Сулейман райондин сувун Бутахуьруьн эгьлийри арандиз куьч хьана кутунай. ГьакӀни, иниз Ахцегь райондин Чихъискар хуьруьн эгьлиярни куьч хьанай.
XIX виш йисан 1864 йисуз Бутахуьр вири Куьре ханвалдихъ галаз Урусат империядин гъилик акатнай. Империядик квай чӀавуз, хуьр Дагъустан вилаятдин Куьре округдин Гуьне наибвалдиз талукь тир. Зугьрабхуьр ва Хтун хуьрерихъ галаз Зугьрабхуьруьнжемятдик акатзавай.
Хуьрелай 1 километр райгъакӀидай пата, яд тухудай «Бер-Къубудин» патав «Бутахуьруьн Къазмайрин кӀунтӀар» тӀвар алай археологиядин имарат ава. Им цӀуру сурарин виней алай 15 элкъвей кӀалубдин кӀунтӀар я [1].
2013 йисан агьалияр сиягьдиз къачунин малуматрив кьурвал хуьре 3215 касди уьмуьр гьалзавай [2]. 2012 йисан малуматрив кьурвал, хуьруьн агьалияр 3182 кас тир [3]. 2002 йисан малуматриз килигна, хуьруьн агьалияр 2676 кас тир [4]. Агьалидин вири лезгияр, суни - мусурманар я. 1886 йисан Урусат Империядин агьалияр сиягьдиз къачунин малуматрив кьурвал, Бутахуьруьн агьалидин кьадар, вири лезгияр яз 328 кас тир. [5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.