Schwiefel

Schwiefel oder Schwiewel (Symbol S) ass e cheemescht Element mat der Uerdnungszuel 16 am Periodesystem vun den Elementer. Seng relativ Atommass ass 32,064 +- 0,003. Schwiefel ass e gielen, netmetallësche Feststoff deen an der Natur entweeder a rengem Zoustand oder a Form vun anorganesche Verbindunge virkënnt.

Dëse Chimiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Eegenschaften
Phosphor - Schwiefel - Chlor O S Se       [Ne]3s23p4 32 16 S

Schwiefel

Schwiefel op Calcit

Et si 25 Isotope vum Schwiefelatom bekannt, dovu sinn der 4 stabel: ³²S (95,02 %), ³³S (0,75 %), ³⁴S (4,21 %) und ³⁶S (0,02 %). Vun de radioaktiven Isotopen huet nëmmen den ³⁵S-Isotop eng Hallefwäertszäit vu 87,51 Deeg, fir all aner Isotope läit d'Hallefwäertszäit am Beräich vu Sekonnen oder Millisekonnen. De ³⁵S-Isotop entsteet aus ⁴⁰Ar duerch kosmesch Stralung.

Natierlecht Virkommen

Schwiefel kënnt an der Natur virun allem a Géigende mat ausgeprägtem Vulkanismus a senger elementarer Form fir. Hie kann och a Biergwierker ofgebaut ginn oder no dem "Frasch-Verfahren" aus sengen ënnerierdesche Lagerplazen ausgeschmolze ginn. Aner wichteg Quelle fir Schwiefel sinn Äerdgas an Äerdueleg, wou hien als Schwiefelverbindung enthalen ass an dacks ënner Drock an Temperatur zu Schwiefelwaasserstoff zerfällt. Schwiefelwaasserstoff ka mat Hëllef vum Claus-Prozess zu elementarem Schwiefel ëmgewandelt ginn.

De Schwiefel ka jee no Temperatur an Drock ënner ënnerschiddleche Réngforme virkommen: Seng Allotropie erméiglecht follgend Formele fir elementare Schwiefel S_n mat n=6,7,8,10,11,2. Déi wichtegst a stabilst Form vum Schwiefel ass awer S8.

Roll a Gebrauch

De radioaktiven Isotop ³⁵S ka kaaft ginn, an e gëtt a landwirtschaftlechen a biologesche Studie benotzt (Hallefwäertszäit ass 87 Deeg).

Wichteg Substanzen déi Schwiefel enthalen

• Schwiefelsaier: H₂SO₄, eng vun de stäerksten anorganesche Saieren déi vill Uwennungen an der Industrie an an der Fuerschung huet.
• Schwiefelwaasserstoff: H₂S, eng extreem gëfteg Substanz déi no faulen Eeër sténkt.
• Schwiefeldioxid: SO₂, entsteet bei der Verbrennung vu Schwiefel a schwiefelhaltege Produkter, wouduerch de sauere Reen entsteet.
• Gips: Calciumsulfat-dihydrat; CaSO₄* 2H₂O, ee wichtege Baustoff.

Um Spaweck

Commons: Schwiefel – Biller, Videoen oder Audiodateien