Paolo Maffei

De Paolo Maffei, gebuer den 2. Januar 1926 zu Arezzo, a gestuerwen den 1. Mäerz 2009 zu Foligno, war en italieeneschen Astronom an Astrophysiker vun internationalem Ruff.

Paolo Maffei
Gebuer	2. Januar 1926 Italien
Gestuerwen	1. Mäerz 2009 Foligno
Nationalitéit	Italien, Kinnekräich Italien
Educatioun	Universitéit vu Florenz
Aktivitéit	Astronom, Historiker, Astrophysiker
Fonctioun	Direkter

Kuerzbiographie

De Maffei hat säi Studium zu Florenz absolvéiert. Uschléissend hat hien als Astronom am Observatoire vun Arcetri, an deene vun Asiago a Bologna souwéi an deem vun Hamburg geschafft. Spéider gouf hie Leeder vum Observatoire vu Catania.

Dem Maffei seng Aarbechtsgebidder waren d'Koméiten, d'Verännerlech Stären, d'Entwécklung vum Universum an d'Geschicht vun der Astronomie. Hie war ee vun de Pionéier vun der Infraroutastronomie. 1968 huet hie bei Observatiounen am noen Infraroutberäich déi elliptesch Risegalaxie Maffei 1 an d'Balkespiralgalaxie Maffei 2 entdeckt, déi gréisst Membere vun der Maffei-Grupp.

De Maffei gouf wéinst ettleche Publikatioune bekannt, ënner anerem och iwwer de Koméit Halley.

Kuckt och

Portal Astronomie

Wierker

• Al di là della Luna (1973)
• I mostri del cielo (1976)
• L'universo nel tempo (1982)
• La cometa di Halley: dal passato al presente (1984)
• Giuseppe Settele, il suo diario e la questione galileiana (1987)
• Autobiographie:

P.Maffei, "My Researches at the Infrared Doors", Memorie della Società Astronomica Italiana, Vol. 74 n. 1, 2003, pag. 19-28 (PDF), (vum "IV National Conference on Infrared Astronomy, in honour of Paolo Maffei", Perugia, December 4–7, 2001).