Maacher Lycée

De Maacher Lycée ass eng ëffentlech lëtzebuergesch Secondaires- an Héichschoul zu Gréiwemaacher.

Maacher Lycée

(MLG)
Typ	ëffentlech Schoul, Secondairesschoul, Héichschoul
Regimm	Classique, General, Professionnel, Brevet de technicien supérieur
Land	Lëtzebuerg
Adress	18 Rue de Muenschecker L-6760 Grevenmacher
Leedung	Gilles Estgen
Schülerzuel	1.112
	September 2022
Gegrënnt	1969
Genannt no	Gréiwemaacher
Um Spaweck	https://www.maacherlycee.lu/

Geschicht

Op Basis vum Gesetz vum 16. August 1965 iwwer d'Schafe vum « Enseignement moyen »^[1], gouf duerch e groussherzoglecht Reglement vum 15. Juli 1969 de Collège d'enseignement moyen et professionnel de l'Est gegrënnt deen de 15. September vum nämmlechte Joer seng Dieren (an enger fréierer Complémentaires-Schoul) opgemaach huet^[2]. Deemools gouf et eng 10 Klasse mat ronn 200 Schüler.

No an no gouf d'Gebai vergréissert, an en Turnsall ass bäikomm. Den 13. Juli 1979 gouf duerch e groussherzoglecht Reglement d'Schoul an e Lycée technique ëmgewandelt a gouf Lycée technique Joseph-Bech, kuerz LTJB, gedeeft^[3], nom fréiere Staatsminister Joseph Bech.

Wéi mam Gesetz vum 3. Juni 1994 de Régime complémentaire ofgeschaaft an duerch de Régime préparatoire ersat gouf^[4], si fir d'Schouljoer 1994/95 13 sou Klassen ageriicht ginn.

Den LTJB war déi éischt Schoul zu Lëtzebuerg, déi differenzéierten Unterrecht an Aktivitéiten, déi no de reguläre Schoulstonnen nomëttes ofgehale ginn, agefouert huet.

Mam Schoulufank 2014/2015, gouf en neie Fligel vum Gebai ageweit an dat neit Gebai krut 2015 de Publikumspräis beim Prix luxembourgeois d'architecture 2015^[5].

2018 krut de fréiere Lycée technique den neien Numm Maacher Lycée^[6].

Formatiounen

De Maacher Lycée bitt Unterrecht am Secondaire Classique, General an am Professionnel un an zanter 2019 och e BTS^[7].

Kuckt och

• Secondaireschoulen zu Lëtzebuerg

Um Spaweck

• maacherlycee.lu

Referenzen

1. Loi du 16 août 1965 portant création de l'enseignement moyen. legilux.lu (16.08.1965). Gekuckt de(n) 28.11.2022.
2. Règlement grand-ducal du 15 juillet 1969 portant réorganisation des centres d'enseignement professionnel. legilux.public.lu (15.07.1969). Gekuckt de(n) 28.11.2022.
3. Règlement grand-ducal du 13 juillet 1979 transformant (…) le Collège d'enseignement moyen et professionnel de l'Est (…) en lycées techniques et leur octroyant des dénominations particulières. legilux.public.lu (13.07.1979). Gekuckt de(n) 28.11.2022.
4. Loi du 3 juin 1994 portant création du régime préparatoire de l'enseignement secondaire technique. legilux.public.lu (03.06.1994). Gekuckt de(n) 28.11.2022.
5. "De Maacher Lycée gewënnt de Prix du Public". rtl.lu, 13.11.2015, 12:04:10.
6. Règlement grand-ducal du 25 juillet 2018 modifiant le règlement grand-ducal du 13 juillet 1979 transformant (…) le Collège d'enseignement moyen et professionnel de l'Est (…) en lycées techniques et leur octroyant des dénominations particulières. legilux.public.lu (25.07.2018). Gekuckt de(n) 28.11.2022.
7. Anne-Aymone Schmitz, Nachwuchs für Praxen. Luxemburger Wort (09.05.2019). Gekuckt de(n) 28.11.2022.