Kolinda Grabar-Kitarović

D'Kolinda Grabar-Kitarović, gebuer den 29. Abrëll 1968 zu Rijeka als Kolinda Grabar, ass eng kroatesch Politikerin an Diplomatin. Den 11. Januar 2015 gouf si zur Presidentin vun der Republik Kroatie gewielt an huet hiert Amt den 19. Februar 2015 ugetrueden. Bei de Walen 2019/2020 huet si nees kandidéiert, ma am zweeten Tour, de 5. Januar 2020, géint den Zoran Milanović verluer.

Kolinda Grabar-Kitarović
Funktioun
4. President vu Kroatien
19. Februar 2015 - 19. Februar 2020
Virgänger	Ivo Josipović
Nofollger	Zoran Milanović
Partei	Kroatesch demokratesch Unioun
Biographie
Gebuer	29. Abrëll 1968 Rijeka
Educatioun	Philosopesch Facultéit vun Zagreb, Universitéit Zagreb, George Washington University
Bestuet mat	Jakov Kitarović
Kanner	Katarina Kitarović

Si ass Member vun der konservativ-chrëschtdemokratescher Hrvatska demokratska zajednica ("Kroatescher Demokratescher Unioun" (HDZ). Si huet eng Ausbildung als Diplomatin an huet ë. a. am kroateschen Ausseministère geschafft. 2003 gouf si an dat kroatescht Parlament, de Sabor, gewielt an doropshin zur Ministesch fir Europäesch Integratioun ernannt. Duerno gouf si Ausseministesch, a war vun 2008 bis 2011 Ambassadrice an de Vereenegte Staaten, a vun 2011 bis 2014 stellvertriedend Generalsekretärin vun der NATO.

Um Spaweck

Commons: Kolinda Grabar-Kitarović – Biller, Videoen oder Audiodateien

• Adelheid Wölfl: Euroatlantikerin Grabar-Kitarovic an der Spitze Kroatiens. In: Der Standard Online, 12. Januar 2015.
• Biographesch Donnéeën op der Homepage vun der NATO.