D'Kallekiewen zu Rëmeleng si fréier Iewen, an deene Kallek gebrannt gouf, an der Gemeng Rëmeleng
 déi zwéin Iewen, l. de vun 1950, r. dee vun 1921 | |
| Land | Lëtzebuerg |
|---|---|
| Plaz | Rëmeleng |
| Adress | Kierchbierg |
| Koordinaten | 49° 27’ 39’’ N 6° 01’ 26’’ O |
| Baustil | Industriell |
| Statut | Klasséiert Monument (NM), (INPA) |
| Datum vum Bau | 1929, 1950 |
| Proprietär | Stad Rëmeleng |
|
| |
Et sinn zwou industriell Konstrukiounen. Den ee gouf 1929 gebaut, an den aneren 1950.[1] An hinne gouf Kallek vun der fréierer Minière Berens, do wou haut d'Cité Kierchbierg ass, gebrannt.
Zanter d'Firma MBR vum Berens 1960 faillite goung, sinn d'Iewen ausser Betrib. Den 2. Dezember 1988 goufen d'Iewen, mam Terrain ronderëm, als national Monumenter klasséiert.[2]
1990 gouf et e Renovéierungsprojet, deen deemools 8,9 Millioune Lëtzebuerger Frang kascht hätt. Ma e gouf net realiséiert, grad esou wéineg wéi en aneren, fir 15 Millioune Frang, bei deem d'Gebai an der Entrée vun der Cité Kierchbierg, wou d'Preparater fir d'Iewe virbereet goufen, hätt sollen an en Ausstellungsraum ëmgebaut ginn.[1]
Zanterhier delabréieren d'Gebaier. Am Februar 2020 ass eng Bëtongsbréck fir bei eent vun de Gebaier an e Koup gefall.[1]
Um Spaweck
- Usine Berens op industrie.lu
Referenzen
- Nicolas Anen: "Historische Kalköfen am Zerbröckeln." wort.lu, 11.03.2020.
- Institut national pour le patrimoine architectural: Liste des immeubles et objets bénéficiant d'une protection nationale. (Lescht Versioun vum 23. Dezember 2024).
Wikiwand - on
Seamless Wikipedia browsing. On steroids.
