Stärebild From Wikipedia, the free encyclopedia
De Krukert (laténgesch: Grus) ass e Stärebild um südleche Stärenhimmel.
Date vum Stärebild Krukert | |
---|---|
Lëtzebuergeschen Numm | Krukert, Huergäns |
Däitschen Numm | Kranich |
Laténgeschen Numm | Grus |
Laténgesche Geenitiv | Gruis |
Lat. Ofkierzung | Gru |
Rektaszensioun | 21h 27m bis 23h 27m |
Deklinatioun | -56° 23´ bis -36° 18´ |
Fläch | 366 Quadratgrad |
Siichtbar op Breedegraden | 35° Nord bis 90° Süd |
Observatiounszäitraum fir Mëtteleuropa | net ganz ze gesinn |
Zuel vu Stäre mat Gréisst < 3m | 2 |
Hellste Stär, Gréisst | (a Gruis) Al Nair, 1,74m |
Meteorstréim | |
Nopeschstärebiller (vun Norden am Auerzäresënn) |
Piscis Austrinus |
![]() | |
De Krukert huet ongeféier d'Form vun engem ëmgekéierten Y. Zwéi vu senge Stären, den α an den β Gruis, sinn opfälleg hell an hunn en däitleche Faarfkontrast. Den α Gruis liicht bloelzeg-wäiss, an de β Gruis liicht orange.
Am Hierscht ass vum Stärebild Krukert an eiser Géigend héchstens den nërdlechen Deel mam Stär γ Gruis ze gesinn. Komplett gesäit een d'Stärebild eréischt südlech vum 35. Breedegrad.
Fréier goufen d'Stären zum Stärebild Pisces Austrinus gezielt.
Enn vum 16. Joerhonnert hunn déi hollännesch Séifuerer an Entdecker Pieter Dirkszoon Keyser a Frederik de Houtman d'Stären als eegestännegt Stärebild beschriwwen, Den Reygher („de Reier“)[1] oder Kranich. De Petrus Plancius an de Jodocus Hondius hu se 1598 resp. 1600 Phoenicopterus („Phönix“) genannt. De Johannes Bayer huet d'Stärebild dann ënner der aktueller Bezeechnung a senger Stärekaart vu 1603 iwwerholl.
B | F | Nimm oder aner Bezeechnungen | Gréisst | Lj | Spektralklass |
---|---|---|---|---|---|
α | Al Nair, Alnair | 1,73m | 101 | B7 IV | |
β | 2,07m | 170 | M5 III | ||
γ | Al Dhanab, Aldhanab | 3,01m | 203 | B8 III | |
ε | 3,49m | 80 | A2 V | ||
ι | 3,88m | 150 | K0 III | ||
δ1 Gru | 3,97m | 150 | G6 III | ||
ζ | 4,11m | ||||
δ2 | 4,12m | 400 | M4 III | ||
θ | 4,28m | ||||
λ | 4,47m | ||||
μ1 | 4,79m | ||||
η | 4,84m | ||||
ρ | 4,84m | ||||
μ2 | 5,11m | ||||
ξ | 5,29m | ||||
π | 5,3m | 200 | F2 + C | ||
κ | 5,37m | ||||
ν | 5,47m | ||||
ο | 5,53m | ||||
φ | 5,54m | ||||
υ | 5,62m | ||||
τ3 | 5,72m | ||||
σ2 | 5,85m |
Den α Gruis, den hellste Stär am Krukert, ass 101 Liichtjoer vun eis ewech. Den Numm Al Nair huet en arabeschen Urspronk a bedeit „deen Hellen“.
Den γ Gruis ass 203 Liichtjoer vun eiser Äerd ewech. Et ass e Stär, dee blo liicht, mat der Spektralklass B8. Den arabeschen Numm Al Dhanab bedeit „Schwanz“.
Objet | Gréissten | Ofstand |
---|---|---|
π | 5,6m/6,6m | 261" |
Déi ongeféier gläich hell Stären δ1 an δ2 Gruis gesi sech mat bloussem A, wéi een Duebelstäresystem un, well si nëmme 16,1 Bouminutten ausernee stinn. Et handelt sech awer nëmmen ëm een „opteschen Duebelstär“, deem seng Stäre vun der Äerd ausgesinn an enger Richtung leien. A Wierklechkeet leien d'Stären 150 a 450 Liichtjoer vun eis ewech.
Ee „richtegt“ physescht Duebelstäresystem, deem seng Komponente sech ëm een eenzege Schwéierpunkt dréien, ass den πGruis op enger Distanz vun 200 Lichtjoer. De System kann ee mat engem klengen Teleskop opléisen.
Am nordëstlechen Deel vum Krukert sinn e puer Galaxien.
Commons: Grus (constellation) – Biller, Videoen oder Audiodateien |