Enzo Giacchero

Den Enzo Giacchero, gebuer de 25. Februar 1912, a gestuerwen de 26. Mäerz 2000, war en italieenesche Member vun der Héijer Autoritéit vun der CECA. Zesumme mat sengen 8 Kolleegen aus den anere Memberlänner huet hien den 10. August 1952 zu Lëtzebuerg ugefaange mat schaffen.

Enzo Giacchero
Gebuer	25. Februar 1912 Turin
Gestuerwen	26. Mäerz 2000 Turin
Nationalitéit	Italien
Educatioun	Liceo classico Massimo D'Azeglio
Aktivitéit	Politiker, Partisan
Partei	Democrazia Cristiana
Member vun	Parlamentaresch Versammlung vum Europarot

Als Diploméierte vun der polyrechnescher Schoul vun Turin (1934) war den Enzo Giacchero, no sengem Studium, Assistent beim Gustavo Colonnetti, en Ingenieur, dee Politiker gouf an als iwwerzeegten Europäer an der chrëschtlech-sozialer Beweegung militéiert huet. Nom Zweete Weltkrich ass de Krichsinvalid Enzo Giacchero chrëschtlech-sozialen Deputéierten am italieenesche Parlament ginn, wou en d'europäesch Deputéiertegrupp presidéiert huet (1946-1952). Hie war ee vun den Deputéierten, déi mat der Zoustëmmung vum Richard Nikolaus Coudenhove-Kalergi vun 1947 un bei der Grënnung vun der Union Parlementaire Européenne matgewierkt huet.

Vun 1952-1959 war hien du Member vun der Héijer Autoritéit an huet duerno erëm aktiv an der federalistescher Beweegung matgeschafft. Hien hat och nach verschidden aner politesch an éierenamtlech Chargen.