Delta

Den Delta (griichesch, Groussbuschtaf: Δ, Klengbuschtaf: δ) ass de véierte Buschtaf am griicheschen Alphabet.

De griichesche Buschtaf „Delta“

Urspronk

D'Zeeche kënnt vum phenizesche Buschtaf „daleth“.

Delta am Gebrauch

An der algriichescher Sprooch representéiert den Delta als δ’ d'Zuel 4 an als,δ 4.000. Wéinst der Form vum Groussbuschtaf Δ gëtt zanter dem Herodot deen Deel vun Ënneregypten, deen tëscht den zwéin Niläerm läit, als Nildelta bezeechent, sou wéi och bei engem Flossdelta allgemeng.

An de Grondlage vun der Mathematik

• de groussen Delta (Δ)
  • als Symbol fir d'Differenz, kuckt Subtraktioun
  • als Symbol fir den Differenzoperateur – dovu leede sech déi meescht Kenngréissten of
  • als Symbol fir d'symmetresch Differenz vun der Mengeléier
  • als Symbol fir de Laplace-Operateur
• de klengen Delta (δ) bezeechent:
  • d'Variatiounsofleedung oder d'virtuell Verrécklung
  • d'Dirac δ-Funktioun, kuckt Delta-Distributioun
  • de Kronecker-Delta, kuckt Kronecker-Delta

Een ëmgekéiert groussen Delta ∇ gëtt als Nabla bezeechent. Keen Delta ass d'Symbol ${\displaystyle \triangle }$ (TeX triangle), mat deem een Dräieck bezeechent gëtt.

An ugewandter Mathematik, Wëssenschaften an Technik

• de groussen Delta (Δ)
  • als Bezeechner vu véier Baryonen (Δ⁺⁺, Δ⁺, Δ⁰ an Δ^-)
• de klengen Delta (δ) bezeechent
  • eng partiell Charge (Chimie), kuckt Partiell Charge
  • eng Schmierzleedungsfaser (Anatomie), Aδ-Faser
  • an der Astronomie d'Deklinatioun (Astronomie), eng Koordinat am equatoriale Koordinatesystem
  • an der Raumfaart eng US-amerikanesch Drorakéit Delta.
  • an der Fuerwierktechnik z. B. de Steierwénkel och Chasse genannt.
  • an der Automatentheorie (theoreetesch Informatik) d'Iwwerganksfunktioun.