De Coma-Superkoup ass eng riseg Struktur vu villen dausend Galaxien, déi a a Richtung Stärebiller Coma Berenices a Leo steet.
An de leschte Joerzéngten hunn d'Astronomen a Kosmologen eng ganz Partie Superkéip entdeckt, déi déi gréisst am Weltraum bekannt Strukturen duerstellen. Si spille fir d'Erfuerschung vun der Raumstruktur an der Entwécklung vum Weltraum zanter dem Urknall eng grouss Roll.
De gréissten Deel vum Coma-Superkoup besteet aus zwéi Galaxiëkéip, dem Comakoup och Abell 1656 an dem Leokoup och Abell 1367 (nom Astronom George Ogden Abell vum Palomar-Observatoire a sengem Spezial-Katalog) genannt.
Si stinn ongeféier 310 an 290 Millioune Liichtjoer vun eis ewech a sinn duerch eng "Bréck" vu Galaxië matenee verbonnen.
All Galaxien- a Superkéip hunn och grouss Iwwerschëss vun donkeler Matière a vill Radioquellen. Weider gi si – wéi och aner astronomesch Strukturen – vun engem dënne Gas duerchdrongen, dat sech wéinst senger héijer Temperatur vu ville Millioune Grad, a Form vu Röntgenstralung bemierkbar mécht.
Den Noper um Himmel, de fënnefmol méi noe Virgo-Galaxiëkoup am Stärebild Virgo gehéiert och zu engem Superkoup, dem Virgo-Superkoup, zu deem och eis Mëllechstrooss an hir "Lokal Grupp" gehéieren.
Kuckt och
Um Spaweck
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
