schweedeschen Astronom a Physiker From Wikipedia, the free encyclopedia
Den Anders Jonas Ångström, gebuer den 13. August 1814 zu Lögdö bruk, Gemeng Timrå, a gestuerwen den 21. Juni 1874 zu Uppsala, war e schweedeschen Astronom a Physiker souwéi Matgrënner vun der Astrospektroskopie.
| Anders Jonas Ångström | |
|---|---|
 | |
| Gebuer | 13. August 1814 |
| Gestuerwen |
21. Juni 1874 Uppsala |
| Nationalitéit | Schweden |
| Educatioun | Universitéit Uppsala |
| Aktivitéit | Physiker, Astronom, Universitéitsprofesser |
| Member vun | Royal Society, Schweedesch Akademie vun de Wëssenschaften, Académie des sciences, Kinneklech dänesch Akademie vun de Wëssenschaften, Preisesch Wëssenschaftsakademie |
| Famill | |
| Kanner | Knut Ångström |
 | |
Den Ångström studéiert op der Universitéit Uppsala Mathematik a Physik. 1839 promovéiert hien a léiert Physik op der Universitéit, vun 1858 bis zu sengem Doud war hie Professer. Vum Joer 1867 schafft den Ångström als Sekretär op der Kinneklech-Schweedescher Akademie vun de Wëssenschaften zu Uppsala.
Bei senge Fuerschunge stoung d'Fuerschung vum Sonnespektrum op éischtem Plang. 1862 erreecht hien den Noweis vu Waasserstoff-Spektrallinnen. Hie stellt och d'Existenz vun aneren Elementer am Sonnespektrum fest a publizéiert 1868 en Atlas mat Spektrallinne vun der Sonn (Recherche sur les spectres solaires, Uppsala).
Nom Ångström gouf d'Längteneenheet Ångström genannt. Si gëtt haut virun allem an der Festkierper-, Hallefleeder- an Atomphysik souwéi an der Kristallographie an allgemeng an der Chimie gebraucht, well déi do optriedend Längten heefeg wéineg Ångström erginn.
Haut dréit e Gebai vun der Uppsala-Universitéit säin Numm (Ångströmlaboratoriet). Ausserdeem gouf de Moundkrater Angström nom Ångström genannt.
| Commons: Anders Jonas Ångström – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
