Albireo (Stär)
From Wikipedia, the free encyclopedia
From Wikipedia, the free encyclopedia
Albireo ass den Numm vum Stär β Cygni (Beta Cygni) am Stärebild Schwan.
| Albireo | |
 | |
| Daten (Equinoxe J2000.0) | |
| Rektaszensioun | 19h 30m 43s |
| Deklinatioun | +27° 51' 0" |
| Aner Nimm oder Katalognummeren | |
| Stärebild: | Schwan (Cygnus; Cyg) |
| Bayer-Buschtaf: | β |
| Flamsteed-Nummer: | 6 |
| Bright Star Catalogue: | HR 7417 |
| Henry-Draper-Katalog: | HD 183912 |
| SAO-Katalog: | SAO 87301 |
 | |
An der Literatur stinn zwou Deitungen, vu wou den Numm kann hierkommen: Deemno kéint den Numm aus dem Arabesche stamen an souvill wéi "Schniewel vum Hong" bedeiten oder sech aus dem algriicheschen ornis (Vull) ofleeden.
Den Albireo ass e bekannten, scho mat engem klengen Teleskop deelbaren Duebelstär, dem seng Komponenten en däitlechen, ganz schéine Faarfkontrast hunn.
D'System besteet aus engem orangerouden (an der Literatur: gëllenen) Iwwerris mat der Spektralklass K3 an enger visueller Magnitude vun 3,4m. D'Liichtkraaft ass 100x sou héich wéi déi vun eiser Sonn an den Duerchmiesser 19,2x dee vun der Sonn. Beta Cygni (Albireo) huet e Begleeder mat enger Hellegkeet vu 5,1m an der Spektralklass B9. Déi zwéi Stären hu vun der Äerd aus gesinn e Wénkelofstand vu 34 Bousekonnen. De Begleeder hat zum Haaptstär am Joer 2008 e Positiounswénkel vu 54 Grad.
Den Albireo ass 390 Liichtjoer ewech.
| Commons: Albireo – Biller, Videoen oder Audiodateien |
