From Wikipedia, the free encyclopedia
D'Airspeed AS 51 Horsa war en englesche Laaschteseegler fir den Truppentransport am Zweete Weltkrich, dee vun der Firma Airspeed Ltd gebaut gouf.
De Fliger gouf nom legendäre brittesche Kriger Horsa genannt.
D'Benotzung vu Laaschteseegleren duerch d'Englänner war eng Suite vum erfollegräichen Asaz vum däitschen DFS 230-Laaschteseegler deen e groussen Deel bei der Erruewerung vum belsche Fort Eben-Emael am Mee 1940 bäigedroen huet.
De Virdeel vu sou Laaschteseegler vis-à-vis vun de Fallschiermer war, datt d'Truppe kënnen nobäienee landen, wougéint se bei Fallschiermlandunge wäit verspreet sinn.
Mat 28 Sëtzplaze war den Horsa e gutt Stéck méi grouss wéi d'amerikanesch Waco CG-4A (mat maximal 13 Mann Besatzung) an déi englesch General Aircraft Hotspur (mat nëmmen 8 Mann Besatzung), an déi och nëmme fir Trainingasätz geduecht war.
Amplaz vun Zaldote konnt eng Jeep oder eng 6-Pënner Panzerofwierkanoun transportéiert ginn.
Den Horsa koum fir d'éischt bei der Operatioun Deadstick engem Deel vun der Operatioun Tonga, am Kader vun der Operatioun Overlord an der Operatioun Neptun) bei der Ërruewerung vun der Pegasus-Bréck a vun der Horsa-Bréck um D-Day de 6. Juni 1944 an den Asaz.
| Commons: Airspeed Horsa – Biller, Videoen oder Audiodateien |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
