AVL-CN1

D'Linn CN1 ass eng vun den Nuetslinnen déi ënner der Bezeechnung City Night Bus vun de Stater Bussen organiséiert ginn.

AVL-CN1

E Bus vun der Linn CN1 a Clausen
City Night Bus 1
Bedreiwer	Autobus de la Ville de Luxembourg
vu(n)	Hollerech, P+R Bouillon 49°35'59,5986"N, 6°6'19,6265"O
op	Zens, Waassertuerm 49°37'14,5420"N, 6°10'58,0465"O
iwwer	Hollerech, Garer Quartier, Uewerstad, Lampertsbierg, Pafendall, Clausen, Neiduerf, Zens
Bustyp	Elektrobus
opgaang	Mee 2006
technesch Donnéeën allkéiers fir Aller a Retour
Längt	11.008 m, 11.127 m
Fuerzäit	39 min, 40 min
mëttel Vitess	20,30 km/h, 21,57 km/h

An den Nuechte vu freides op samschdes a vu samschdes op sonndes fiert d'Linn CN1 all 10-15 Minutte vum P+R Bouillon iwwer d'Gare, d'Stad, de Glacis bis a Clausen a weider op de Zens. Déi Linn mécht haaptsächlech d'Verbindung tëscht den eenzele Plaze wou gefeiert gëtt, dem Stadzentrum an zwéi Parkingen.

No Hallefnuecht huet d'Linn CN1 all hallef Stonn Uschloss un d'Linnen CN2, CN3, CN4, CN5, CN6, CN7 an CN8 déi vum Hamilius aus an déi verschidde Quartiere vun der Stad fueren.

Halten op der Linn CN1

(D'Nimm vun den Halte si sou uginn, wéi s'am offizielle Fuerplang publizéiert sinn.)

	Halten	Bemierkung
	P+R Bouillon
	Hollerich, Kierfecht
↑	Salzhaff / Schluechthaus
	Jean-Baptiste Merkels
	Fonderie
	Gare Centrale	Gare Lëtzebuerg
	Al Avenue
	F. D. Roosevelt
	Hamilius	Uschloss un déi aner CN-Linnen
	Fondation Pescatore
	Theater
	Fondation Pescatore
	Badanstalt
	Um Bock / Casemates
	Plateau Altmunster
	Clausener Bréck
↓	Malakoff
↓	Hierzekrëpp
↓	Fixmer
↓	Neudorf, Kierch
↓	Neudorf, Brasserie
↓	Neudorf, Kapell
↓	Laangegronn
↓	Fierschterhaus
↓	Kalchesbruck
↑	Tour Jacob
↑	Melusina
↑	Kéibierg-INS
↑	Fort Dumoulin
↑	Tawioun
↑	Cents, Kierch
↑	Robert Bruch
↑	Trèves
↑	Carmel
↑	Camille Polfer
	Cents, Waassertuerm

Entwécklung vun der Linn CN1

• Den éischte Stater Nuetsbus gouf am September 1999 ënnert dem deemolegen Numm Late Night Bus agefouert. Den LN1 ass um Trajet P+R Bouillon - Gare - Stad - Clausen (Place Sainte-Cunégonde) gefuer.
• An de Jore duerno, gouf d'Linn vu Clausen aus bis op den Zens bei d'Kierch verlängert.
• zanter dem 24. November 2004 fueren d'Stater Nuetsbussen ënnert dem neien Numm City Night Bus.
• den 1. Mee 2006 gouf den Trajet ugepasst, andeems de Parking Glacis mat ugefuer gëtt.

Um Spaweck

Commons: AVL-CN1 – Biller, Videoen oder Audiodateien

• De City Night Bus op der Säit vun der Stad Lëtzebuerg

Referenzen an Notten