Val d'Orcia

De Val d'Orcia ("Orcia-Dall") ass eng natierlech hiwweleg Géigend an der italieenescher Provënz Siena, an der Toskana, op der Grenz mat Umbrien. Se läit nordëstlech vum Monte Amiata, ronderëm de Floss Orcia, deen derduerch leeft, an no deem se genannt ass. Se huet eng Fläch vun 61.188 ha a läit an de Gemenge Castiglione d'Orcia, Montalcino, Pienza, Montepulciano, Radicofani a San Quirico d'Orcia.

Geographesch Koordinaten:

42° 58’ 0’’ N 11° 42’ 0’’ E

Val d'Orcia

Landschaft mat Zypressen.
Geographie
Land	Italien
Regioun	Toskana
Provënz	Provënz Siena
Morphologie
Längt	± 70 km
Fläch	61.188 ha
Waasserlaf	Orcia
Ufank
Plaz	Monte Antico Civitella Paganico
Héicht	329 m
Koordinaten	42° 58’ 15.24’’ N       11° 21’ 0.44’’ O
Héchst Plaz
Plaz	Sarteano
Héicht	700 m
Koordinaten	42° 59’ 0’’ N       11° 52’ 0’’ O

D'Landschaft gouf an hirer haiteger Form, mat Gruppe vun Zypressen, Dierfercher a Kapellen, an der Zäit vun der Renaissance ugeluecht, fir en harmonescht Bild ze schafen, an d'Idealer vu gudder (land-)wirtschaflecher Notzung, dem Zesummeliewe vu Mënsch an Natur, wéi och vun der Estetik erëmzespigelen. Dierfer wéi Pienza a Montalcino goufen dobei nei gebaut. Op ville Renaissance-Molereien gouf de Val d'Orcia dann och als Hannergrond erausgesicht.

Aus deem Grond gouf d'Géigend, déi och haut nach op Dausende vun 'typeschen' Toskana-Fotoen ze gesinn ass, den 2. Juli 2004 op d'UNESCO-Lëscht vun de Weltierwen agedroen.

Gastronomesch ass d'Géigend fir säi Pecorino di Pienza an de Wäin Brunello di Montalcino, eng vun den éischten DOCen aus der Toskana bekannt.

Zeenen aus dem Film Gladiator vum Ridley Scott goufen do gedréint.

De Val d'Orcia an de Monte Amiata

Galerie

• 
  Cappella della Madonna de Vitaleta, bei San Quirico
• 
  Haff an Zypressen
• 
  Casa colonica
• 
  Typesch Landschaft
• 

Kuckt och

• Lëscht vun de Weltierwen (Europa)

Um Spaweck

Commons: Val d'Orcia – Biller, Videoen oder Audiodateien

• Site vun der UNESCO