Organisatioun vu Resistenzler zu Lëtzebuerg From Wikipedia, the free encyclopedia
D'Unio'n vun de Fräiheetsorganisatiounen (Unio'n)[1], ass eng Organisatioun vu Resistenzler, déi am Zweete Weltkrich zu Lëtzebuerg gegrënnt gouf an um Dag vum 23. Mäerz 1944 aus dem Zesummeschloss vun der L.P.L., der L.V.L., dem L.R.L. an anere Resisistenzlermouvementer, kuerz virum Enn vum Krich, ervirgaangen ass. Am September 1944 ass och de L.F.B bäigetratt. Et war den deemolege Chef vun der L.V.L., Lucien Dury, deen 1943 Kontakt mat anere Resistenzorganisatiounen am Hibléck op eng Fusioun opgeholl huet. D'Resistenzmouvementer waren deemools duerch d'Razziaen an d'Verhaftungen duerch d'Gestapo all geschwächt ginn an et ass och drëm gaange fir e Mouvement ze schafen, deen als representativ Eenheet direkt no der Liberatioun optriede kënnt. Hie sollt och, duerch d'Schafe vun enger Miliz, direkt no der Befreiung, zur Oprechterhalung vun der Uerdnung bäidroen.
![]() |
Dësen Artikel iwwer den Zweete Weltkrich ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran. |
D'Unio'n (Unioun) huet nom Krich als Associatioun weiderbestanen, dat mam Zil d'Erënnerung un déi aktiv Resistenz an de Joren 1940-1945 lieweg ze halen. 2011 hat se nach zirka 150 Memberen, wouvun déi meescht Zäitzeie waren. Am Mäerz 2011 huet d'Organisatioun zu Bouneweg, um Haus an deem d'Unio'n gegrënnt gouf, eng Erënnerungsplack ubrénge gelooss.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.