![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/lb/thumb/f/f4/Deifferdengerpasseuredenkmal1.jpg/640px-Deifferdengerpasseuredenkmal1.jpg&w=640&q=50)
Resistenz zu Lëtzebuerg
From Wikipedia, the free encyclopedia
Wéi Lëtzebuerg am Joer 1940 vun Nazi-Däitschland besat an de facto annektéiert gouf, huet d'Nationalbewosstsinn lues a lues ugefaangen z'erwächen. Vun 1941 un hu sech déi éischt Resistenzlergruppen, wéi de Letzeburger Ro'de Lé'w oder d'PI-Men forméiert. Am Ënnergrond hu se heemlech géint déi däitsch Besatzung geschafft, politesch Flüchtlingen a sougenannt "Wehrdienstverweigerer" iwwer d'Grenz bruecht an d'Lëtzebuerger Bevëlkerung mat patriotesche Fluchziedelen op deenen dacks de "Roude Léiw" oder d'Groussherzogin Charlotte ze gesi waren, opgemontert fir duerchzehalen.
![](http://upload.wikimedia.org/wikipedia/lb/thumb/f/f4/Deifferdengerpasseuredenkmal1.jpg/320px-Deifferdengerpasseuredenkmal1.jpg)
![](http://upload.wikimedia.org/wikipedia/lb/thumb/b/b7/Denkmalhondsbesch1.jpg/640px-Denkmalhondsbesch1.jpg)
![](http://upload.wikimedia.org/wikipedia/lb/0/03/Flugziedel2.jpg)
![](http://upload.wikimedia.org/wikipedia/lb/5/50/Flugziedel3.jpg)
![](http://upload.wikimedia.org/wikipedia/lb/6/6c/Flugziedel1.jpg)
Wéi an den Nopeschlänner och, waren d'Originnen, zemools déi ideologesch, vun deene verschiddene Resistenzler a Resistenzgruppen, ganz ënnerschiddlech: se gounge vun deenen, déi d'Nazi-Ideologie u sech bekämpfenswäert fonnt hunn, bis zu deenen, bei deenen d'Fräiheet vum Land an éischter Linn stoung. Sou huet hiert politescht Spektrum dann och vun chrëschtlech-patriotesche Stréimungen bis hin zu de Kommuniste gereecht.