De Pico do Fogo ass e Stratovulkan op der Insel Fogo, déi zu den Insele vum Cap Vert gehéiert. Mat enger Héicht vun 2829 Meter ass et den héchste Punkt vum Land, an ausserdeem deen eenzegen aktive Vulkan vum Archipel.
De Kegel vum Pico do Fogo ass ongeféier 1200 Meter héich op der Ostsäit vun der Caldera vun der Insel (Chã das Caldeiras), déi am Fong een eenzege grousse Vulkan ass. D'Caldera selwer ass op enger Héicht vu 1600 bis 1700 Meter iwwert dem Mier, an huet en Duerchmiesser vun enger 9 Kilometer.
E gewaltegen Ausbroch vum Pico, am Joer 1680, huet der Insel, déi dunn São Filipe genannt gouf, hiren haitegen Numm ginn: Fogo heescht "Feier" oder och "Liichttuerm".
1785, 1799, 1847, 1852, 1857, 1951, 1995 an 2014/15 gouf et weider Eruptiounen.
Bei där vum 2. Abrëll 1995, bei där d'Lava just bannen an d'Chã das Caldeiras gelaf ass, ass e klengen Niewevulkan entstanen, de Pico Pequeno ("klenge Pico"), deem seng Spëtzt op enger Héicht vun 1950 Meter ass. Dës Eruptioun huet grouss Deeler vum fruchtbaren Deel vun der Caldera mat Lava zougeschott, op där Aker- a Wäibau bedriwwe goufen.
Den 23. November 2014 koum et zu enger neier Eruptioun, déi bis an de Februar 2015 gedauert huet. En zéiege Lavafloss huet dobäi praktesch de Rescht vum landwirtschaftlech genotzte Buedem zougeschott, an déi zwou kleng Uerschafte Portela a Bangaiera (déi mat Zäiten evakuéiert gi waren) goufe bal komplett zerstéiert.
Um Spaweck
| Commons: Pico do Fogo – Biller, Videoen oder Audiodateien |
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
