From Wikipedia, the free encyclopedia
D'Parisii waren e keltesche Stamm aus der Eisenzäit, dee bis zu der Zäit vum réimeschen Imperium um Bord vun der Seine gelieft huet. Hir gréisst Stad (Oppidum) war Lutetia Parisiorum, déi ënner de Réimer - ënner dem Numm Lutetia - e wichtegt Zentrum vun dëser Regioun ginn ass. Heiraus ass spéider d'Stad Paräis entstanen.
Wärend dem Galliefeldzuch vum Julius Caesar (De Bello Gallico) hunn d'Parisii un der Säit vum Vercingetorix géint d'réimesch Eruewerer gekämpft. Et ass méiglech, datt verschiddener vun hinnen no der Néierlag a Britannien geflücht sinn. Méi warscheinlech ass et allerdéngs, datt si scho virdrun, wärend der belscher Immigratioun iwwer d'Mier ausgewandert sinn.
D'réimesch-brittesch Parisii-Stämm an der Géigend vun Ost Yorkshire an Humberside a Britannien, stame mat grousser Sécherheet vum keltesche Stamm of.
D'Begriefnesritualer vu béide Stämm ënnerscheede sech nëmme minimal, an d'Arras Kultur, déi ronderëm East Yorkshire an der fréier La-Tène-Zäit gewunnt huet, weist eendeiteg kontinental Aflëss. Begriefnesser, bei deenen de Verstuerwenen an e Gefier nieft eng quadratesch Schubbkar geluecht gouf, goufen a béide Regioune fonnt.
Commons: Parisii – Biller, Videoen oder Audiodateien |
Wikisource: De Bello Gallico – Quellentexter |
![]() |
Portal vu Paräis – All d'Artikelen op dëser Wikipedia iwwer Paräis. |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.