![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3e/Pamir_Modell.jpg/640px-Pamir_Modell.jpg&w=640&q=50)
Pamir (Schëff)
From Wikipedia, the free encyclopedia
D'Pamir war 1905 fir d'Hamburger Reederei F. Laeisz als Véiermastbark gebaut ginn. Si huet wéinst hirer Vitess an Zouverléissegkeet zu de berüümte Flying-P-Linere gehéiert a krut wéinst der Traditioun, en Numm dee mat engem „P“ ugefaangen huet, a gouf no der zentralasiatescher Biergkette Pamir gedeeft.
Véiermastbark Pamir | |
---|---|
![]() | |
Schëffsdaten | |
Bau an Entworf: | Blohm + Voss (Bau-Nr. 180), Hamburg |
Decken: | fënnef; 2 duerchgehend Decken, beplankt |
Längt i.a.: | 114,50 m |
Breet i.a.: | 14,14 m |
Déifgang: | max. 7,26 m |
Rigg: | Standardrigg Véiermastbark, |
Seegelfläch: | 3.600 m², (32 Seegelen) |
Masthéicht iwwer Deck: | 51,2 m (Groussmast) |
Tonnage: | 3.020 BRT; vun 1951 un: 3.102,87 BRT |
Vitess beim Seegelen: | 13,5 Knuet; max. 16 Knuet |
Häfen doheem: | Hamburg, Mariehamn, Wellington, Lübeck |
Equipage: | 28–33 Mann (Mannschaft an Offizéier, 33 Mann) bei F. Laeisz 86 Mann (Mannschaft, Offizéier a Kadetten) als Seegelschoulschëff vun der Stiftung Pamir und Passat |
Reedereien: | F. Laeisz (Nr. 65), Gustaf Erikson, Regierung vun Neiséiland, Union Steam Ship Co. of New Zealand, Gustaf Erikson, Heinz Schliewen, Stëftung Pamir a Passat |
1932 huet si déi sougenannt Weizenregatta, eng Course fir Groussseegler, gewonnen. 1949 ass d'Pamir als leschte Windjammer ouni Hëllefsmotor ëm de Kap Hoorn geseegelt. An de 50er Jore gouf se, grad wéi d'Passat, als Seegelschoulschëff (mat Fracht) fir déi däitsch Handelsschëfffaart agesat. D'Pamir ass 1957 an engem Hurrikan ënnergaangen. 80 vun de 86 Membere vun hirem Equipage, dorënner vill jonk Kadetten, sinn dobäi ëmkomm. Déi Katastroph hat an den internationale Medien e staarken Echo fonnt. D'Ursaach vum Ënnergank ass bis haut ëmstridde bliwwen.