![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/1/1f/Nofretete_Neues_Museum.jpg/640px-Nofretete_Neues_Museum.jpg&w=640&q=50)
Nofretete
From Wikipedia, the free encyclopedia
D'Nofretete (an anere Sproochen dacks „Nefertiti“, egyptesch Nfr.t-jy.tj) war d'Haaptfra vum Pharaon Echnaton (Amenhotep IV.); si huet am 14. Jh. v. Chr. gelieft. Si gouf bekannt duerch d'Büst aus Kalleksteen a Gips, déi de 6. Dezember 1912 fonnt gouf an haut am Egyptesche Musée, am Nordfligel vum Neuen Museum op der Museumsinsel zu Berlin ausgestellt ass.
![Thumb image](http://upload.wikimedia.org/wikipedia/commons/thumb/1/1f/Nofretete_Neues_Museum.jpg/640px-Nofretete_Neues_Museum.jpg)
D'Nofretete soll bei hirem Bestietnes mam Echnaton nach ganz jonk gewiescht sinn. Si krut 6 Diechter: d'Meritaton, d'Maketaton, d'Anchesenpaaton, d'Neferneferuaton, d'Neferneferure an d'Setepenre. Vu Jongen ass näischt bekannt. D'Nofretete an den Echnaton war déi éischt egyptesch Kinnekskoppel, déi hiert Privatliewen ëffentlech ofbilde gelooss huet.
D'Nofrete war eng Zort Coregente a krut, op d'mannst symbolesch, pharaonesch Muecht: Sou ass de bloen Helm vun hirer bekannter Büst e Chepresch, e Krichshelm, a s'ass och e puermol ofgebilt, wéi se Feinden ermëlzt, eng Stereotyp, déi ee bei Pharaonen erëmfënnt. Eng méiglech Erklärung dofir ass, datt si nom Doud vum Echnaton deem säin Troun iwwerholl hätt.