Rue Génistre

D'Rue Génistre^[1] (Lantergässel(chen)) ass eng Strooss an der Uewerstad vun der Stad Lëtzebuerg. Se leeft als Verlängerung vun der Rue de la Poste, vum nord-ëstlechen Eck vun der Plëss bis op de Roude Pëtz.

Rue Génistre

Lëtzeb. Numm	Lantergässelchen, Lantergässel
Situatioun
Land	Lëtzebuerg
Gemeng	Lëtzebuerg
Quartier(en)	Uewerstad
Postcode	L-1623
Koordinaten	49°36'41,80"N, 6°7'50,20"O
Morphologie
Längt	100 m
Héicht i. M.	306 m
Geschicht
Genannt	16. Mee 1925
Genannt no	Claude de Genetaire

Geschicht

Den Numm vun der Strooss gëtt ofgeleet vum loutrengeschen^[2],[3] Infanterie-Colonel a Gouverneur vun Arel Claude de Genetaire (* 1624; † 17. November 1681). Hien hat en Haus, do wou haut den Zerkel steet^[2].

Gebaier

• Cercle municipal
• Espace culturel Cité mat der Stater Bibliothéik, op der Plaz vum fréiere Ciné Cité.
• Entréesportal vum fréiere Bëschofspalais (geet duerch bis bei d'Haus Nr. 3 an der Paschtoueschgaass); de 5. Mee 1978 op den Zousazinventaire vun de klasséierte Monumenter agedroen.

Biller

• 
  Entréesportal vum fréiere Bëschofspalais
• 
  Maskaron um Zerkel
• 
  Espace culturel Cité mat der Stater Bibliothéik

Um Spaweck

Commons: Rue Génistre – Biller, Videoen oder Audiodateien

Referenzen an Notten

1. och nach an der Schreifweis Genistre ze fannen; dem Registre national des adresses no an och um offizielle Plang vun der Stad Lëtzebuerg ass de richtegen Numm awer Génistre
2. Evy Friedrich 1982. Was bedeuten die Straßennamen der Stadt? (PDF) Ons stad 11: 27
3. an den Archive vun der Stad Lëtzebuerg (archives-vdl.lu) steet et wär e spuenesche Colonel gewiescht (cf rue Genistre; gekuckt den 23. Februar 2020)