![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/3/3b/Wroclaw_-_Hala_Stulecia_03a.jpg/640px-Wroclaw_-_Hala_Stulecia_03a.jpg&w=640&q=50)
Joerhonnerthal
From Wikipedia, the free encyclopedia
D'Joerhonnerthal oder Centennaireshal (Polnesch: Hala Stulecia; nom Zweete Weltkrich och eng Zäitchen Hala Ludowa (Vollekshal) genannt) ass en historescht Gebai zu Wrocław, a Polen. Et gouf tëscht 1911 an 1913 no de Pläng vum Architekt Max Berg gebaut; deemools huet d'Stad ënner dem Numm Breslau zum Däitsche Keeserräich gehéiert.
![]() | |
Land | Polen |
---|---|
Gemeng | Wrocław |
Plaz | Wrocław |
Koordinaten | 51°6'25"N, 17°4'38"O |
Fläch | 36,69 ha |
Statut | Weltierwen |
Datum vum Bau | 1911 |
Opgaangen | 20. Mee 1913 |
Proprietär | Wrocław |
![]() |
![Thumb image](http://upload.wikimedia.org/wikipedia/commons/thumb/7/78/Wroclaw_Hala_Ludowa_Breslau_Jahrhunderthalle.jpg/320px-Wroclaw_Hala_Ludowa_Breslau_Jahrhunderthalle.jpg)
D'Joerhonnerthal ass vum Konzept hier e multifunktionnellt Gebai, an deem Ausstellungen, Concerten, Theateropféierungen oder Sportsevenementer organiséiert kënne ginn.
Si war eent vun den éischte prestigéise Gebaier aus arméiertem Betong, a gouf 2005 als nationaalt historescht Monument, an 2006 vun der Unesco als Weltierwe klasséiert.
Den Numm geet op d'Proklamatioun An Mein Volk vum preisesche Kinnek Friedrich Wilhelm III. zeréck, déi hien den 10. Mäerz 1813 zu Breslau gemaach huet fir zum Widderstand géint d'Besetzung vum Napoleon I. opzeruffen. D'Hal gouf am Kader vun de Feierlechkeete vum 100. Anniversaire vun deem Opstand ageweit.
Ronderëm d'Hal ass e Landschaftspark mat Gebaier. E gouf vum Hans Poelzig entworf an den 20. Mee 1913 a Presenz vum Krounprënz Willhelm vu Preisen, opgemaach.
Nodeems aus Breslau Wrocław gi war, an d'Kommunisten un der Muecht waren, gouf nieft der ëmgedeefter Hal 1948 eng 106 Meter héich metalle Skulptur opgeriicht, déi Iglica ("Nol") genannt gouf.
D'Hal gouf 1997 an 2010 renovéiert a moderniséiert.