![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/94/Luxembourg%252C_Hair_Ice_%2528102%2529.jpg/640px-Luxembourg%252C_Hair_Ice_%2528102%2529.jpg&w=640&q=50)
Hoeräis
Äis dat sech a Form vu feine sëlwregen Hoer op doudegen Holz bilt / From Wikipedia, the free encyclopedia
Hoeräis ass e biophysikalesche Phenomeen, bei deem sech, ënner bestëmmte meteorologesche Konditiounen, reng Äis"fiedem" op fiichtem, muuschtegem Holz forméiere kënnen.
![Thumb image](http://upload.wikimedia.org/wikipedia/commons/thumb/9/94/Luxembourg%2C_Hair_Ice_%28102%29.jpg/640px-Luxembourg%2C_Hair_Ice_%28102%29.jpg)
![Thumb image](http://upload.wikimedia.org/wikipedia/commons/thumb/f/f4/Haareis_auf_Totholz2.jpg/640px-Haareis_auf_Totholz2.jpg)
Hoeräis besteet aus Waasser, dat am doudegen Holz enthalen ass, an dat duerch Gasen no bausse gedréckt gëtt. Déi Gasen entstinn duerch den aerobe Stoffwiessel vum Myzel vu wanteraktive Pilzen (ë. a. Schlauch- a Stännerpilzen).[1]
Wann d'Lofttemperatur knapps ënner Null Grad C° ass (déi am Holz awer nach net), an d'Loftfiichtegkeet héich, fréiert d'Waasser wann et un d'Uewerfläch kënnt a gëtt a kristalliséierter Form vum Waasser dat nokënnt, no uewe gedréckt. Sou entsti reng "Hoer", déi e puer Zentimeter laang kënne ginn. D'Loftfiichtegkeet muss dofir héich sinn, well soss d'Waasser, wat erauskënnt, verdonste géif.